另類集體 - 變形金鋼大電影

另一個集體 - 變形金鋼大電影

一個另類o既集體回憶 - - - 變形金鋼，可解呢，我相信香港九成以上細路時代有睇電視o既小朋友, 尤其是當年電影汁撈飯o既男孩子, 一定唔會忘記呢套咁經典o既卡通片。故事背景．係遙遠o既宇宙，有一個高度文明o既機械皇國, 由於受到耗盡資源而需要四出尋找，而當中 ........ 唔寫嘞.. 呢o的係大部份文章都有cover到~~

佢只係一套由美日合作o既電影，由七幾年到今日累積咗廿幾年歷史又有甚麼特別？因為"特別"，當年每逢星期日六/日早上(重播時段) 都必定會早早起身去等開場。嘩﹗"柯柏文"呀… "大黃蜂".. "麥加登".. 仲有 "星星叫"呀一班壁壘分明o既正邪兩派大比拼，又有高科技，飛機大炮，又有當時好好o既聲效，一聲"ge ge gur gur" 就係變形時必備o的聲效，當時真係深入民心﹗

其實當年，自從電視播出以來都有試過轉變，由無記三四次重播都大收旺場，亞視就咗打後o既系列，實行一次過做哂，而反之無線就無再入手過呢套卡通片...

由第一輯之後, 重有如﹕變形金鋼第二代﹑頭領戰士﹑恐龍戰士﹑隱者戰士﹑beast war都係o係亞視出現過，但之後仲有幾個較大o的系列其實o係香港無播出，其實o係日本同美國都有推出，好似舊年都有2006系列，故事係延續第二代首領"火棒"同"馬格斯"o既後續，大魔王復活計劃o既故事(故事唔係度交待啦，成廿幾集有排寫)。

而諗起以前o既time flame，都覺得好神奇﹐因為係八幾年時候，曾經出現咗一套變形金鋼大電影2007 "Transformer: The MOVIE 2007"，係交待第一代博派領"柯柏文"點解會將首領o既位置移交比第二代首領 "火棒"，而個發生o既年份就正正係2007，而咁準就係今年，諗翻都幾得意， 同埋都以前細個都從來無諗過有呢一日(我自己無知啫~~)，早幾過星期我仲o係內地買咗隻正版o既 [變形金鋼大電影2007 "Transformer: The MOVIE 2007"]，因為以前未睇過呢集，所以放落部dvd機度放時都有興奮o既感覺o架，好似細路仔等睇卡通片時一樣，哈哈﹗﹗

你地對佢，又有無印象呢？

變形金鋼 2007 電影 中文版官網:

http://www.uip.com.tw/transformers/index.htm

 好期待呢個星期o既公演.........................

technorati tags:閒情日誌