飲少杯啦

識我o既朋友知道我係以前一直都唔飲咖啡(Latte 除外!!)，因為佢對我作用不大同埋傷胃，但係o係幾個月前開始發覺上左舖咖啡癮，仲開始有少少不受控制添，因為慣左早餐一杯之後lunch又一杯奶茶(甚或咖啡)，變相地一日兩三杯，非常heavy !!

但係lunch舖癮又忍唔到手(出街食飯o既定律)，所以朝早就係落手o既目標。

平時一杯熱咖啡就一定要係開工之前kill左佢，所以事先買定一罐咖啡放係枱面，到第二日係街度買早餐時，當你記得枱面有罐咖啡的話，就目標轉為唔買而清左公司o個罐先，之但都係自己衰，其實每朝返到公司開始read email之後就唔會停手，之後的話一定變凍咖啡而我飲唔落口，所以開工之前唔掂罐咖啡的話，佢o個日一定可以繼續生存落去，而朝早無啡落肚o既我，到lunch飲返杯都無咁heavy啦。嘻嘻。

查實呢條咁o既屎橋都唔係特別... 之不過當我發覺罐咖啡放左係枱面兩三個星期，罐面開始生頭髮(開始舖塵)，而我又好耐無一日兩啡之後，我先留意到..... 原來咁都係一個方法。 呵呵呵呵呵!!

好多想出o既post都未發，反而無無聊聊又出POST……唉……

無人駕駛 / Player#3 ??? - 1

呢個post講o既o野較惼激，用詞都不適合兒童閱讀，不喜勿入。




無人駕駛?　Player#3

呢個世界無free-lunch，每一個人都要為自己o既所作所為負責。

當你/妳已經同另一半已經情頭意合o既時候，相方甜甜蜜蜜咁步入教堂，將對方正式認定為合法的另一半。

某程度上，若然男未婚女未嫁的話，好難講邊個係第三者，因為一日未結婚大家都有權選擇自己o既另一半，呢個係理所當然，但係當有一紙緍書作實之後，即係你已經肯定對方啦，既然係咁，點解仲有d人會見義思遷? 還背住對方揾第三者? 他媽的。

好老實講，唔一定咩都係第三者錯哂，可能真係有o的人比較鐘意有家室o既人做情人，但係有幾多人會接受到share自己o既愛人比另一個人分享o架? 一時三刻就大仁大義，但係遅早都忍唔住。

而另一方面，牛唔飲水唔禁得牛頭低，唔係自己個心癮起，其他點行埋o黎都引唔到你啦。

如果感情真係出現咗問題，若果係愛對方的話就應該諗辦法去補救同對方o既關係，而唔係尤得關係每況人弓[愈下之餘自己就另謀發展。

最唔老o黎o的唔肯面對現實o既人，問又唔敢講，以為一句"感情變淡" 就係大哂可以掩飾自己揾藉口出外面拈花惹草o既事實，根本就係自欺欺人，閃閃縮縮咁怕比人知，呃到其他人但係點都呃唔到自己個枕邊人o架啦﹗ 真當你另一半傻o既咩。


待讀.

Blogged with Flock

被害壽司: 皇子帶子芝鰻魚壽司

昨晚﹐見到一件好恐怖o既事，有人將一件好地地o既皇子帶子芝鰻魚壽司，竟然被人劏開左兩邊，好殘忍呀!!




被害壽司傷勢:

Blogged with Flock

遲到的早餐

星期三，以為有熱辣辣o既麵做早餐，結果，只係一個奶油鬆包。

星期三晚，o係山崎買定麵包做今日早餐。連無飲好耐o既朱古力奶都買左。

星期四，放係門口o既早餐仍然放係屋企門口，無帶預定o既早餐，失敗。

星期四(續)，買左個乂燒包做早餐，翻到公司，一開工就十二點半停手食lunch，個早餐一路擺到七點幾先食，都係早餐，不過係遲左十二小時 (僵屍起身時間食o既就差唔多)，失敗中o既失敗。

星期五(聽日) 攞翻今日無帶o既早餐，聽日再食過!!!

Blogged with Flock

遠遊

X, 你平時加咁多班，咁咪無得出去玩囉？我出到廠之後都唔知附近有咩好地方玩？有無一o的地方可以介紹一下
．．．．．．我都有去過深圳，但係好少行。
我o的國語太差，自成一國咁，迷失深圳都似，自己都唔敢o係深圳四圍行，不過如果有個”國語人”一齊就定好好多。如果你唔介意不如你陪我過去好唔好？.
但係我都唔識深圳地方喎。

Blogged with Flock

小星星

你的房間在 Ixxx 室。
謝謝你送我過來啊。
沒關係。
對了，你住哪一橦宿舍？
．．．　就在你樓上一層。
呀！原來這麼近呀，難怪了。
．．．．．．．
(電話)你在哪兒？我敲你房門沒回應。
(電話)在天台啊，已把相機和腳架拿來了，你上來嗎？
(電話)好吧。
(電話)唔，轉頭見。
e，就是這樣子影呀？
是啊，這裡環境很好，而且真的好黑，相信效果也不錯，平時沒上來的嗎？
這個時間很少。
這麼好的景色不看。


．．．其實這兒是我們掠衫的地方，所以我們每次洗完衫之後都會上來的，現在可能是因為晚上其他人已收衫了吧，平時這裡都會掠滿衣服的。
原來如此，我誤會了。
也不是的，其實我也很少晚上上來的。但這兒看星真的有不同嗎？
有啊，在香港的太多光害了，所以太多星都看不到了。而這兒真的好黑，所以看得多好多。
原來是這樣的嗎？難怪了，我在家時可以到得更多啊。
?．　哦．．．．　真幸福。

Blogged with Flock

步行籌款 續篇 - Obris MoonWalker

今年係第一年參加奧比斯o既步行籌款，亦都係第一次同carson & friends團隊組隊一齊行，所以有好多人幫手，另外重有造型添!                              

當晚集合地點之後(會場外)我地開始選擇自己o既造型，辛苦哂幫手扭波o既朋友，因為o的眼仔唔可以預製，所以佢地真係扭到手軟呀。

 

呢隻大眼仔就係主角﹗

 

當大部份人都到齊集後就開始浩浩蕩蕩咁行去入會場，當時幾十個造型咁一齊，都好似遊行咁feel~~ 
:)

 

當係會場集合之後，得獎隊伍同造型比賽o既人都齊集係會場跑道上面，見到係有好多參加者都有o的突出造型，我地只係小兒科啦，hehe~~

 

一輪開幕儀式 /介紹左原來今晚有成五千三人一齊行，勁呀!!
我地carson&friends好幸運地做到全場最高籌款額o既隊伍，所以全部五十人一齊踩台，攪到連個頒獎o既ceo都要瞓地，唔好意思呀.
 
最突出造型獎，係老鼠呀!! 佢地扮五星級大鼠o既造型，個個廚師服/面具/有鬚同圍巾，好神似﹗抵佢地得獎﹗

 

頒獎之後，到十二點左右正式起步.... 五千三人行離開灣仔運動場, 路線係又灣仔沿海行經上環, 西營盤, 華富, 香港仔, 之後一路行到落淺水灣。


真係壯觀呀，我地跑道上o既隊伍被安排左最後出發，嘩﹗成個灣仔開始一路到中段都有人步行，人山人海呀，仲有唔少塞人情況添 (係大會竟然無任何封路措施，所以係市區內有不少行人路都變左樽頸位，造成很多不便，尤其是不少老人家都有份行，攪到佢地要一齊迫，真係唔好意思)。

一路行到上環之後見到間麥記係路線以外四五個街口，我地都片左入去，一來有隊員解決生理需要，另一方面我又借d意去買左包薯條，一路行一路食，都好寫意。    

但因為買去左麥記所以阻誤左十分鐘多d，以為已經落後左不少，所以都行快翻o的補數。

過左西營盤離開市之後開始戲肉啦，長命斜開始，差唔多十幾分鐘之後先到斜落，如此上上落落一路到香港仔之後先正常d。

 

之後到沿途都無咩休息到，急急腳咁行，差唔多到香港仔時，聽到Ronald叫我，終於遇到團員啦，原來佢地都行得好頭下，只係見到我地未見其他人，咁奇
? 我估佢地係o係後面休息左一陣。

到淺水灣時，聽到工作人員講話仲有一公里時，個個都好開心，差唔多完成呢個任務。

約莫半小時之後，到達沙灘啦，但係唔見有大banner指示終點位置，唯有跟住人龍走去到building附近，終於見到banner啦..  原來只係靠一支光管照住個banner，難怪無人見得到啦..

廚神，米高，史力加，表哥，Al (表哥朋友) 到步!! 到步咁影左d 相，其他人唔出鏡?，我梗係無問題啦!

 

而 24 同 888 就好滋油咁拍住拖咁行，7 點 左右先到，因為下有午function，所以我地 6 點半就各自回家充電，無等埋其他人全部到齊影大合照就閃人，真係唔好意思~
 

今次雖然攰d (其實可以休息)，但係都好開心，有得玩，又有意義，順便減下磅都好(只係自己期望咋，行完自己都唔覺)。

 

你地下年行唔行呢!?

 

 

P.S. 其實下午個function，因為唔知醒所以我最尾都無去到，但係其他人就join左，果然好耐力呀﹗

其他相關post:

籌款步行 - 第二屆盲俠行11月17日

50位盲俠,辛苦哂!

carson &
friends@盲俠行2007

盲俠

Blogged with Flock

籌款步行 - 第二屆盲俠行11月17日

今次呢個做型幾得意﹐我特別影到好似obris廣告相咁

05:51分終於係到步啦，時間事少但意義是大﹗ 好多人都係留言板上面簽名同記錄時間，我都唔執輸照簽可也，做個記念都好﹗
 

下年的話都再接再厲先﹗

d 相未收到，遲o的再post啦﹗
 

 

Blogged with Flock

你知唔知上次係廠睇星星，比香港睇多好多o架，你呢面d空氣好過我呢度，所以睇星都清d。　等我下次再留廠睇多次先。到時你睇唔睇？
你到時先講啦．．．
哦，好呀。


如果我後晚上o黎睇星可唔可以同我book房呀？
可以，不過你真係上o黎o架？
？ 係呀。
好呀。

(數天後‥‥)
(電話) 喂? 哪一位?
(電話) 你今晚真係上o黎？
(電話) 係呀，好耐睇過星星啦，都未試過真係o係廠度睇添。你可唔可以幫我book間房呀？
(電話) 可以。
(電話) 唔該哂，我連腳架都拎o左o架。今晚見啦。

Blogged with Flock

自從兩星期前知道了她的事之後，

心情未曾回復，當每晚靜下來時，同一件事總會浮現。

現階段事情未公開，我在一個人時已十分煩躁了，所以電話裡都好像無話可說。

但其實不是的， 只是知道用電話不可能交待全件事情，宜事情又未公開，不可能和別人分享。

既然如此，又可必交待一半，讓妳胡思亂想呢。

不幸地這兩星期的日子的太忙未有時間見面，真想不想這樣便令到你產生了誤會。

原來我真的這麼不可信？

現在事情仍未解決，我想仍有一段時間的輔導工作要繼續，我未有得休息啊。

平時的煩燥總沒有入肉的感覺，但這兩星期我真的燥起了…………

technorati tags:閒情日誌

再遇 American style 早餐

o尋日食左個好温暖又近似 american style breakfast o既早餐，有雙蛋 / 花生醬麵包 /重有準備埋咖啡添，仲可以舒舒服服咁嘆早餐，正正正﹗﹗

對比翻今朝個早餐………

一個义燒包………

唉……… 如果日日都有一個咁豐富o既早餐作為每日開始工作o既後盾，咁就真係開心囉。

滿心期待中。

technorati tags:閒情日誌

宿霧遊: MoalBoal - Day 4 大合照

Day 4 : 2 dives
0700 1st Ronda Bay
1030 2nd Airport

今日係last一日，因為潛水後12小時唔可以上機，所以今日last。

而第一個dive，因為咁耐都未拎過相機，所以今次我拎相機，但係無咩特別的東西，所以夾下d角度/擺位四圍影下就算。

第二個dive，last一次飛機，唉，覺得有d老點，唔只唔係"小型機"而係"蚊型機"，同埋日子都唔耐，所以無咩動植物附上上面，只有幾顆小珊瑚，但係都影左張水底少有o既大合照 (buddy們, 有怪莫怪我post你地個水底post出o黎呀! 因為真係無咩水合照! )

想睇多d的話, click下面個album啦

MoalBoal, Day 4 - 21 Oct

technorati tags:遊記

宿霧遊: MoalBoal - Day 3

Day 3 : 2 dives + BBQ

0900 1st SAMPAGUITA
Noon - BBQ at KAWASAN FALLS)

1800 2nd Night dive - BALAY

KAWASAN FALLS

今日風和日麗，只係好舒服dplan o左兩個dive，因為落一個dive之後會去一個當地比較有名o既瀑布(KAWASAN FALLS) 觀光同BBQ，所以上船時已經放好哂d食物，一早去o左SAMPAGUITA，感覺唔算太特別，不過明顯地比前一日o個度多d野睇，又見到大海龜呀。上水之後到o左一個KAMAGSKI Falls, o個有度個瀑布好正，行20分鐘到(應該10~15，mins，不過我地行住影相所以好慢)；

中伏！！
到步之後見到個瀑布都好壯觀，我地影下影下走埋上竹筏度，手痕想試下拉隻筏出d影相，玩－左一陣，突然間有幾個工作人員(賓仔)過o黎拉我地出瀑布影相，正當影相之期間，奇怪地點解一路唔收掣咁拉去小瀑布而唔係大o個個呢，原來佢拉我地入去瀑布底呀！　出事，原來呢個係節目之一，不過佢見我地自己上筏所以唔講直接拖出去！！

本來上水之後已個身已經乾翻，但係咁一入見水即時又全身濕哂，真係中伏!!

但係估唔到o個個細o的o既瀑布o的水已經咁犀利，打落個頭都有o的痛, 不過打落個身度好似massage咁，都幾舒服o架。

之後係附近游完水之後‥開始回程，感覺好滿足，個個上船時都有o的倦意咁，但係睇睇隻錶其實只係三點未夠，哈哈,，所以又去o左海邊snorkeling左一陣先休息，正!

睇埋日落先出潛, 正!!

到左夜晚night dive時，只係o係附近一o的 d 比較近海邊，一落水真係伸手不見五指呀! 但係我地一人一電筒(不論大小)，所以好容易揾翻buddy就下潛，係完全唔認識o既地方night dive真係好刺激，而夜晚睇到o既生物又真係同日陣有頗大分別同多好多，見o到一隻形狀好奇特擬似海參o既體，蝦，獅子魚(lionfish)，好正，但係小意外真係隨時發生，我枝小洋燭(我枝五寸長小電筒)落到十米時竟然自動閃下閃下，一再睇睇時熄埋著唔翻!! 係水度無得攪結果全程"痴"住廚神哈哈, 平時都已經buddy, night dive時仲要跟都佢實添.. (一個lo唔該lost buddy時只有我跟燈光揾佢，但佢一定揾唔到我，因為我無燈).

到差唔多無氣時，再係surface潛到無氣先上水(3~4米), 反而係呢度見到一隻好大個殼(大過我個拳頭，就好似平時記念品店o既大貝殼咁)o既寄居蟹，我地追追蹤左好耐但係始終兩蛙難敵八腳，又無相機，放佢走甩左。 上水還好哂gear後就滋滋遊遊咁去揾飯食。

想睇多o的呢日o既相, 呢個album有得睇.

MoalBoal, Cebu, Day 3 - 20 Oct

MoalBoal, Day 3 - 20 Oct

technorati tags:遊記

如何覓得一張長期飯票 !?

如何覓得一張長期飯票 !?

若果包括埋供書教學的話，更加係不少人心目中o既夢想(千祈唔好誤會歧視女性, 因為男仕都可能係咁)，你地心目中長期飯票又係點o既呢?

而o尋晚同雪晴食飯時， 個半鐘時內傾呢個topic傾好o左耐，終於我地有左個共識如下:

而呢個方法其實都可能有人做過，就係靠政府。皇家飯﹗

在本港，在囚人仕可以進修，有收入，仲有醫療包低。

而領取方法，係想辦法得到"終身監禁"四個大字，好似打交"冧"友，或者謀殺，若成功以終身監禁成功入罪的話，就算行為良好，都起碼坐三四十年。

以三十歲為例 (當時雪為"祭品"，以我為例， 不過記錯年齡， 哈哈! )，入得去出翻o黎都 60幾 ~ 70歲，出到黎之後啱啱好領得"生果金" 同 "綜援"，而o係在囚期間你可以好進取咁持續進修充實自己，仲有政府養埋你米飯，真正係一張長期飯票。

不過買o野的要比錢，長期飯當然有代價，就係自己o既天空得翻籃球場咁大，而每日都係囚內渡過。

而當中都有o的基本要求

- 你要係有三粒星o既居民

- 要有"祭品"，如雪晴當晚目標為本人...

- 一定要係自辯，唔係話你口才好，而係ensure你可以安然入罪並不求情減刑。

呢張長期飯票抵唔抵就見人見智嘞，半世人在囚，我就一定唔得!!

但事先聲明，呢個post純粹吹水，我絶不是叫你去做或嘗試呢種事，因為我自己都唔贊成!﹗

p.s. 唔好揾我做"祭品"； 一係就做徹底o的；純粹得啖笑，千祈唔好以身試法呀!

睇分類都之啦 : 是但o翕.

technorati tags:是但o翕