安天民北方餃子館

安天民北方餃子館

今個星期係深圳遊車河, 四圍走陪人去咗蓮塘睇地方, 睇咗幾個唔同地方o既租盤, 係三十幾度o既情況之下, 真係一件大大事.. 係睇完地方之後, 已經熱到個身都熔哂, 無心機再去其他地方遊覽, 所以五點未到就返咗東門附近酒店落腳。

到步之後再沖埋涼先食晚餐, 入夜之後舒服好多。

 

今次說服o左向日葵去小肥羊, 平時佢怕我熱氣所以唔會去(), 但因為o個晚佢想食辣, 所以遊說成功!。

於是等到o左八、九先去食晚餐, 點知…仍然係大排長龍，最後我地去咗另一間餃子館食晚餐..

如題: 安天民北方餃子

之前已經幫襯過, 今次點o既菜都係第一次點, 試味嘛..

是日菜單:

 

涼伴豆干

酸辣大白菜

水煮牛肉(我地已經叫辣菜)

豬肉丸炖粉條

+ 食辣必備﹕王老吉 (兩罐)

 

第一碟上枱o既係以為一般涼菜"涼伴豆干", 食落竟然停唔到手,

 原因當然係味度啦，係豆干(豆腐干或者叫千張)絲中加入蔥/蘿蔔絲，仲加了辣椒油(小辣), 十分開胃。

再上"酸辣大白菜", 睇賣相就問一句﹕"吓, 就係咁? 只見大白菜上撈D辣椒，不外如事喎……"; 起筷, 原來唔單只係撈辣椒咁少兒科，而係o的酸汁加埋o的辣椒一齊煮過, o的辣酸味好入味，唔錯。

 

再上我地有期望o既水煮牛肉，o的牛肉都ok，有少少韌不過都幾入味。

但係衰個汁，唔知點解會用鹹咗，應該係用咗辣椒醬, 係幾過地方食過都未見過人落辣椒醬，所以雖然辣但係都鹹咗o的。

 

而當我地食食下個牛肉時，”摷摷”下個碗底時, 發現都幾多料, 仲有粉條係底(我o既至愛)，正﹗

 

Last 一道菜, 係o係我地食咗大半時先出現” 豬肉丸炖粉條”， 第一件事係試下o的豬肉丸有無紙皮o係裡面(笑)，好味喎﹗ o的肉丸好夠味，同埋粉條都索咗好多肉味，一流。

粉條瀑布呀, 哈哈﹗(唔好意思，少少失儀添)

阿記者仔又走出o黎試過下味，都贊不絶口。

但係第二日要一早飛返香港，因為要同亨利媽做生日，扮腳同佢地打麻雀，所就咁完場...

 

technorati tags:閒情日誌