驚喜, 深圳 "四姐妹北方餃子館"

驚喜, 深圳 "四姐妹北方餃子館"

今晚同舊同事係深圳食晚餐, 去咗華強o個邊揾食, 但係自己唔有知有咩好食, 所以由對方帶路。

一路走到福虹路一帶, 入咗佢推介o既一間北方菜館 - 四姐妹北方餃子館.

坐低之後都覺得有嘈吵. 睇過個餐排之後.我朋友第一句問我食食得辣, 我都唔敢話ok, 因為食唔食得辣o既定義, 對廣東人同北方人都已經好唔同.好在佢都好照顧在下... 只係小點普通小菜。

原本點菜時問個侍應, 東北一品鮮係咩菜同點煮. 點知回覆係 "一鍋的, 有好o的唔同o既肉呀,菜之類在裡面煮的. 我地聽完之後對望咗一陣.. 只係知多咗係一個鍋菜. 唉﹐ 個侍應真係要再陪訓一下。

抱著試食心態. 照點啦!

我地點咗三個菜﹕

-- 東北一品鮮

-- 青椒豬肉餃

-- 上湯豆苗

初頭上"上湯豆苗"時, 因為太晚了所以肚餓非常(因為我遲到, 真係唔好意思), 都未齊餸就開動 !!

不過同一般餃子館食到o既豆苗一樣, 無咩驚喜。

之後好快就上咗第二道菜: 餃子.

食落都唔錯喎, o的豬肉幾好味. ok。

最後一道菜反而有驚喜: 一品鮮 (驚嚇先行)。

一放上枱就嘩一聲. 三件饅頭?  睇下面原來重有其他料。

有排骨 / 豆(唔知咩豆,有o的似大o條o既四季豆) / 粟米, 同埋一個不知明o既湯底。

個鍋熱咗之後.. 開始食排骨, 宜? 有味喎.. 不過唔係怪味, 而係頗濃o既肉味喎. 一路食都幾ok。

而o的粟米浸咗o的汁之後, 好好食。

而最後,最大o個件長饅頭. 索咗o的汁之後仲好食, 而個饅頭唔係好實o既普通饅頭, 而係好綿同軟"屬". 好好食.. 最後我食咗兩件.. 勁呀!  (飯後戰況, 下圖)

最後埋單都唔貴, 只係rmb$65, 下次有機會都再試吓先 哈哈. 同埋要多謝 eleanor o既帶路。

technorati tags:閒情日誌