今日第一日開工, 忙於track翻之前工作o既status, 不過其實上星期五已經翻咗公司食開年飯.
上星期五, 翻公司食春茗(開年飯),一早翻到公司,先開工check哂o的e-mail同做o的手頭工作後,開始今日主力--拜年+逗利是!!
等埋幾個老友記 '組團' 後就四出拜年,去均公司各部門同事拜年逗利是,組團係公司傳統o黎o架
,有o的自己未必識或者未太熟,組團就可以各人亙補不足,嘻嘻
。 試諗下有時見到廿幾人排住隊拜年/逗利是, 都幾"噓憾"o架.. 
不過最開心係各人拜年,就算未婚都一樣拜年o架,好意頭一定唔嫌多。
呢幾年食飯時公司都會玩下抽獎, 本身有一百份奬, 由百幾o既禮物到現金奬二萬六千一百. 今年公司玩得幾好, 玩之餘順便屈下o的老闆捐款抽獎, 捐款最後加埋有成十三萬六, 最後大老細出多個double, 勁!
加埋廿幾萬, 抽廿幾份一萬蚊cash!!! 真係又勁過舊年.
不過我唯持山羊座o既傳統, 無抽獎運, 全場無份
... 嗚嗚.... 
. 嘻嘻
.o尋晚點算過逗到o既利是數目, 剩計公司o既都有64封, 今日又收多6封.. 70封lu~~ 期待緊拆利是o既一日..
沒有留言:
發佈留言