年初三年初三赤口 - 易口角,忌拜年但不忌拍拖 / 初四 宜外遊

年初三赤口 - 易口角,忌拜年但不忌拍拖。
咁講梗係去拍拖啦,去深圳接埋向日葵去打保齡球,訓導主任/表哥都有到。水手鬥水兵戰情激烈!第一局, 本人成績…唉,竟然全中同洗坑平分天下,真汗顏, 但向日葵發揮練習成果,已平穩追住各人;第二局
好些少, 平穩o的1可以over一百分.. ,

最後一局表哥領先勝上後被追上,訓導主任第一,向日葵因為開始今痛而落後第四。三局過後各人都散散地所以o也晚飯去也。

今晚晚餐係向日葵至愛--馬蘭頭(西江小廚),上次食因冷氣壞?而太熱,今次無問題,而食物都係預計之內.但一味"干菜扣肉夾餅"(個名好似唔o岩)十分好味,好似平日食到梅菜扣肉咁,不過扣肉只有五~六片,蓋住菜干蒸,上菜時仲有八件夾餅(似薄饅頭),夾住菜干同肉一齊食真係好o野味,無得彈!!
/馬蘭頭
/老鴨煲
/干菜扣肉夾餅
/三鮮炒年糕
/千張粉絲湯
/小籠飽

埋單四個人共RMB$144, 我地都覺得好抵食呢!!

初四
遊咗去打高爾夫球,當然係訓練場玩下發球啦,我一個識少少o既對住三個完全唔識o既,真係有o的手忙腳亂,而條腰仲有些少痛,所以唔敢太用力打,幾球上落就轉比其他人,九十分鐘四個人兩技桿打咗二百幾球。第二日個身痛到傻。