年廿九

豬年行好運, 所以走咗去行花市. 買咗個吹氣交通燈.. 大大枝好過癮, 之後有人買咗個豬頭面具, 好得意, 結果, 一人戴住一次影張相.. 哈哈 ..

一隻成日偷懶o既豬仔

之後膽粗粗拎技吹氣紅綠燈係路邊扮路燈. 好彩無比差人抦啫...

年三十 ~ 大掃除

食過早餐, 去買了不少清潔用具.

手套, 藍威寶, 清潔抺布, 口罩, 360'全面潔淨牙刷, 除塵紙拖把, 地拖 ... + 食飽咗o既亨利. 可以開工 !

今年終於大掃除, 十二點開始開工, 今次有o的計劃, 由頭開始, 即係由天花板開始清潔, 除塵, 扮馬騮爬枱抺窗.

之後抺爐頭, 洗碗盤.. 好快三點三, 先抺完一半, 太肚餓所以走咗去食tea... 返o黎再戰..
食飽飽之後開始執櫃檯, 電腦枱 同清哂o的舊o既雜物.. 好支力呀.. 睇睇個鐘已經7點幾.. 無哂力...

不過此夜晚同老爸食晚飯 同買咗對鞋比佢同比自己過年.. 四周圍都趕歲晚減價, 減到6折約四~五百蚊對. 幾抵買.