A 仔 (Advance Open Water) 終於完滿結束 !!!! Advance Open Water, 終於完滿結束嘞. 係駡人聲, team work, 大流, 大清, 大混亂
o既情況下完成...
星期五, 感冒症狀出現幾日, 視力好似有o的對唔到焦咁
, 唔妥, 於是由mtr站上翻地面睇咗醫生先算
.
醫生話感冒有少少感染, 所以要小心o的. 不過之前已經約好咗A仔(Advance Open Water) 個training 一連兩日完成五個dive, complete成個A仔course. 仲有三個buddy一齊去, 所以頂硬上
.
同日星期五晚, 同o的buddy係cafe做preparation, 傾個dive o既detail同有咩要夾翻. 一路攪到十二點幾先完場
.
星期六, 因為係下午上船, 所以上午好清閒可以har一下, 好free.
上船之後, 教練brief咗之後落水, 好靚水呀, 去咗西貢(唔知個名點打), 第一個dive 兩次落水我只係負責放線, 其餘三個游出去用compass 做 practice, 所以我無咩做過. 聽講話係水下面好混亂, 所以上水之後比教練鬧到飛起
. 所以未落下一個dive之前的地prepare咗好耐, 分工合作
.
到咗night dive, 因為上一個dive覺得唔夠重, 所以加咗3lb铅, 點知一落水覺得唔妥, 係件bcd漏氣, 游游吓未到下潛點之前仲抽筋添
, 一輪擾嚷之後都成功下潛落水. 果然係伸手不見五指, 好在教練幫忙一人借咗一枝大電筒先夠用, 頭一個dive有ｏ的問題, 所以我今次take leader job, 第一次用compass 就lead住三個人都有o的壓力. 亦因為第一次night dive, 所以techcanical o黎講係ok o既, 只不過無咩睇到o野, 因為我無帶人游去多o野睇o既地方而只顧住training, 哈哈
.
但係沿路都見到好多珊瑚蝦同 細蟹仔, 同埋見到兩條懶瞓添, 我地攪極都唔醒, 好過癮
.
之後一路的好順利咁回程, 不過上岸之後仲要去麥記朝聖prepare 第二日training o既item
, 攪十一點幾先離開西貢..
第二日training, 一早八點半已經到西貢食早餐, 九點開船後, 已經開始預習. 到步之後, 嘩大清水! 的地o係船上面都可以望到水底, 有6~10米能見度, 正 式!! , 今日落水比第一日好好多, 可能因為第一日做得唔好, 所以今日大家都認真咗, 而結果都比預期中好. 不過我就大件事, 因為感冒上哂耳仔
, 食咗暈浪丸都無效, 一日兩個dive, 係水度嘔咗四次, 一上船時仲要撲埋船邊嘔, 衰到震.
呢度係跳海o既地方 -- 尖洲.
開始回程, 因為地方太遠有成個鐘頭船程, 所以上船頂曬太陽, 每次落水之後最享受o時刻, 正 !!!!!! o的太陽好正o架.
又扮日落feel. 同埋捉咗阿船主隻寶貝做model, 哈哈
呢個係我o黎o架, 而家哂緊背脊.
後遺症: 星期一, 夜晚再去睇醫生, 兩隻耳仔都有中耳炎, 出事, 醫生一個療程都要九日, 直到今日出post時, 已經第三次覆診, 醫生話右耳已經ok, 左耳仲有一成左右, 一般都唔駛再覆診, 但成個星期都浮浮下咁, 好唔舒服.
而家只係等PADI 寄翻張新o既 A 仔證 翻o黎就 得嘞. 開心 ~~ !!!
technorati tags:閒情日誌
沒有留言:
發佈留言