魔盜王3

魔盜王3

終於去睇?魔盜王3 At World's End啦,
約?朋友一齊睇, 竟然有四個人一齊咁?睇, 真少有. 八點半到步, 好快咁食完晚餐之後就施施然行去戲院. 到?門口之後, 幾個大男人都不約而同話去洗手間.. 點解? 因為片三小時, 到時要去洗手間時,又阻到人自己又睇唔到就唔好啦。不過長達三個小時o既海盜片, 勁呀! 九點半入場, 睇完成十二點半, 好在戲院o的座位都唔差, 若不, 真係頸又梗, 腰骨都"尺"埋呀。

三個小時又好似差唔多咁, 點解? 因為基本上無睇第一、二集的話, 對整體的人物來龍去脈不大清楚, 但係對今集故事理解係無影響o既。 因為今集以整個海盜世界為舞台, 亦同時交待?鬼盜船背後o既故事,。

講翻套戲, Johnny Depp 以一貫Jack sprail風格演出, 仍然分唔清佢係所有事情孑然於胸還是真的以佢高超o既應變能力(直係好高o架) 見步行步仍然可以令到成件事都向佢o既方向走。   

而Orlando係今集係一個出賣者,但係反而切合咗海盜同海軍之間o既背叛、詭謀、出賣、各懷鬼胎,。

Keira (Keira Knightley) 仍然咁靚, 而今集由花瓶配角變成主角, 但成為全套戲最搶鏡o既角色。

一個意外角色:周潤發, 以新加坡海域稱王o既海盜, 好心水清, 但下場就死得好兒戲 --  失望。

全套戲三個鐘頭基本上已經將成個故事重新規劃好, 雖然有o的犯駁, 從東印度得到鬼盜船, 各人由進入魔櫃, 救出jack&逃出, 到鬼盜船同黑珍珠號決戰, 以及每一代鬼盜船長o既換令到orlando可以見翻佢爸爸. 都有o的可憐. 亦都交待咗大部份o既前因後果, 亦都有個唔錯交代啦。

最大笑位係一面打交一中面結婚; 另外周潤發無啦啦用廣播東話唸詩, 笑死. 而最過癮o既角色, 我就話係隻石頭蟹, 哈哈!!

縱觀全套戲都好好睇, 有文場, 笑位, 刺激o既決戰. 正. 都值得推介!

相關homepage

http://www.disney.com.hk/pirates/main.html

http://disney.go.com/disneypictures/pirates/atworldsend/

http://www.disney.com.hk/pirates/download/desktops/group/potc3_group_800x600.jpg

technorati tags:電影推介