開開心心咁笑一場

早排, 一位親人離開咗, 佢年紀都好大, 很久沒碰面, 但對我地兩代人都照顧有加, 細細個就睇住我地大, 對我地一家都好大影响, 之後因為搬

咗入上水, 慢慢越大就越少見面, 往往一年先一次, 上次見面都幾年他太太離開, 心裡面都好難過, 因為入咗老人院之都未去過探佢, 之後無

耐就走了, 但當晚佢既子孫都打點得好好, 而在堂內沒有太多悲傷的感覺, 都年紀較大, 大家心裡面都已有一個預算, 自己好似去咗一個親人

聚會咁, 心諗, 有時好似真係好似到白事0既時候先會見返0的舊親戚, 朋友。

每次這個時候, 其實都好想寫低自已都想法, 身後事想點, 係咪行得太前? 今日唔知聽日事, 行路都會比車撞啦。見到朋友都已經寫咗筆, 今次的起心肝落筆。

1) 以今日黎講, 我都仍然無宗教, 無信仰, 所以都唔需要咩宗教儀式架嘞。
2) 你知我份人鐘意笑, 就算我走咗, 當然我都好希望多0的朋友黎歡送我, 但我指真係歡送我, 開開心心咁笑一場。
3) 所以都唔駛播0個啲悲歌, 反而播啲開心啲0既歌就好. 特別要點一首歌, 每次都好BUY "陳奕信- 活著多好"。
4) 瞻仰遺容, 呢個部份真係可圈可點, 我唔知走時係咩環境, 或者0個師傅手勢好唔好>_<" 所以我唔會刻意要求取消呢PART, 但說真的, 我只

想各位同我講聲BYEBYE就好, 加多個笑臉或者鬼臉就更開心, 我OK架。 同埋呢, 我想講係裡面玩自拍就唔好嘞,

OK我架, 但我怕我屋企人會送你出門口就唔好啦, 呢剎那我保唔到你架(同埋我都做唔到0的咩 ^_^)。
5) 葬送地點, 作為一個香港人我明白有塊地係最好0既, 但D地咁貴而我又鍾意海多啲, 所以海葬就最好嘞, 一來我LIKE潛水, 二來上山太辛苦

。大家都老人家啦, 頭幾年可能多啲人黎 (可能都無), , 過兩年都可能無咯, 咁去海邊, 咪可以當去海邊野餐 或者 攪個上船開P釣魚, 一舉兩

得。 至於地點就未諗好。諗好先UPDATE啦。
6) 謝絕到場 TAG名/或者簽到, 呢個場合應該係簽簿而唔駛簽FACEBOOK, 唔該。 ^__^