向日葵的温室: 4月 2007

星期一, 4月 30, 2007

一周相片記錄

好耐無出post了, 太忙, 用相片o黎做記錄啦.

春天到了, 走在旺角街上, 也可看到樹上的花盛開.

部benq lcd 電視, 玩ps3個mode硬係有問題, 揾師傅上o黎睇, 手痕影低機內情況, 不過仲未修好.......

上星期陪客食飯, 食韓國料理, 試咗個煙燻生牛肉. 外面係煙燻熟咗, 不過中間係全生的, 點菜時都唔敢話食太多, 但一開始食就覺得正, 仲食咗三四件. 最後糖水幾好, 係米做的, 好特別.

老友記有o的事所以叫咗出o黎吹水, 詳情就唔係咁方便而家講, 但係個飲o野o個間cafe o既佈置就幾好,仲係牆上做咗個大畫框, 做投影機o既板.

成晚播埋o的歌都幾入肉, 要幾down有幾down, 要幾sad有幾sad, 結果,去埋唱k, 十二點先開場.

星期日又去咗面點王, 今次叫咗個陽春麵, 第一次食, 熱辣辣食時好正,一拉長竟然長到咁? 我仲唔係夾個頭, 而係由中間夾出o黎, 勁長呀!

係深圳書城行, 買咗本九型人格, 遲o的慢慢睇. 不過終於比我見到"哈利波特七" Harry Potter AND THE DEATHLY HALLOWS 的預訂, 好期待呀 !!

technorati tags:閒情日誌

星期四, 4月 26, 2007

大霧

這個星期,如往一樣忙碌非常,有一晚還要子時才落班,這種生活是不是應該放棄呢?

這幾天,發現到自己的速度慢了來,不是指身體的速度而是腦袋的轉速,發覺當自己在不同場合的改變,未能跟得上進度(亦可以是未放低),當上堂時發現最初的三十~四十分鐘也顑呆滯,情況好的話之後便可以進入狀態,否則落堂後便過眼雲煙,此情況便以緊張過後尤甚,相比無壓力輕鬆的情況下有很大分別。

回想近日的工作情況, 忙碌之餘還多了一層霧, 收到公司的知會, 指出了我的工作方向和目標作了新的修訂... 看來, 是一段艱難的路。而這個未有時間表的變動中, 對我自己的路, 蓋上了一層看不清的濃霧。當以為掌握到了一些眉目, 卻出了亂子。如何是好?

木白

technorati tags:閒情日誌

星期日, 4月 22, 2007

牙齒檢查

牙齒檢查

以下話題可能令人情緒不安,甚至食唔落飯,小心。

昨日去了牙科醫生檢查牙齒同洗牙。大半年前,右下邊大牙經常牙肉痛, 基本上每次進食用到這位置也頗痛; 但亦頗奇怪, 因兩三天後又復原了, 自己用鏡檢查過多次亦末發現蛀牙的情況, 故常以為是睡眠不足的”虛火”上升所至(因經常發生但奇怪未必同一個位置);

情況到一兩個月前, 用鏡仔細檢查,發現牙肉痛的牙縫位置有些食物殘渣,自己亦未為意,後來想了想, 以前很少牙縫藏殘渣這麼利害的, 再仔細看, 原來牙的後方崩了, 所以咀嚼時將o的食物殘渣壓着牙肉而疼痛. 所以醫生佢都用咗頗長時間去處理我隻牙, 因牙表面只有一個小洞, 但牙縫後方才是問題, 所以要由側面將補牙物質不停地推入去, 真到牙面見到之後再打磨。