一星期速報

一星期速報

攰到人都癲!
好攰呀!! 成個星期都未有好好休息過, 連下星期去旅行o既o野都未準備過..  救命呀!!!! 

話說由上星期尾公司生產爆鑊,keep住日日follow up到今個星期,再大老闆決定通知個客回收(即係我出面知會個客), 攪咗成個禮拜。其次星期三上廠開會,攪到夜晚o個堂潛水堂遲到無咗半堂; 星期四又上深圳開半日會,再趕返香港; 星期五下午又上深圳開quality會,仲無啦啦比大老闆'濕'咗一鑊,明明係R&D做錯o野但係跌落我度,無辜....

當晚連夜上廠,因為同向日葵報名跟公司旅行,去番禺野生動物園一日遊。

點知夜晚廠要向日葵等到好夜先食飯,過意唔去。

出事

返到先出事,一開門已經有三隻蚊熱烈歡迎我,我即時衝入房開大部冷氣,再開大房門趕蚊, 到情況受控後走去沖涼,一關門,嘩! 廿幾隻蚊"呢"咗係門後面齊齊奪門而出! 我都未呆完就雙手亂"fing"送走佢地,擾攘一輪,又全部無見哂,一到沖涼時,一拉開浴簾,"黎"手開大熱水就沖落簾/牆各處,竟然過十隻以上中招沖走咗, 見到咁環境先安心翻o的; 但始終都唔習慣張咁硬o既床,所以成晚有咩聲都彈起身,瞓唔"冧",直到六點半即時起身梳洗...  唉。

 

不過一去到停車場成幾十架旅遊巴,都醒哂咯。(遊覽o既記錄就留翻另一個post啦)

 

星期六當晚因為回程到步時已經無回港車,所以住咗一晚酒店, 行咗成日都無咩停過, 所以對腳好攰,於是去咗洗腳, 疲勞減少咗好多, 正。

 

到咗今日禮拜, 又要趕返香港,先返老家飲湯,幫向日葵拎o的相去哂, 之後拿拿林返屋企沖涼換衫, 趕去舊同學o既婚禮, 趕到人都痴埋..  

technorati tags:閒情日誌