意外

意外，　無人希望．　只係小小延遲就竟然怨聲再道，有無攪錯？

因咩事咁大火？　話說星期六晚係上水坐火車過羅湖時，　需知道每逄週未關口過關人潮可其擠擁，當火車入站時眼見車廂內已經十分擠迫，不過當開門之後有不少人落車，以都成功迫了上車扮一個站沙甸魚，但之後等了一分鐘都未成功關門，仍奇怪時便聽到有人大叫”有人夾．．．”，　都未有聽清楚便再　"有人夾到手呀！！”　原來上一度門有人被夾到，因連手掌也夾到，我想是對方手按著車門窗口位(在凹陷的位置)，當車門打開時未及時把手抽出，所以夾著了致使車門都關不到。而當時已經有兩個月台助理o係度幫緊手，希望可以幫佢抽翻隻手出o黎。

但問題是，有意外都無人關心？！　當停多陣之後開始聽到有部份乘客出現怨氣，有人指："唉，今日自己真係唔好彩"；又或者”再關一次門，隻手咪可以縮翻出o 黎o羅”, o的"摺" "摺"聲不停出現，不付責任o既說話即時此起比落．．　心諗：香港人o的善心唔見哂．阻你o個小小時間都比你怨到咁，　駛唔駛呀，自己都唔想被夾o架嘛，真係不知所謂！！！

 

當時我都好ｐｋ，　因為用緊耳筒所以扮聽唔到其他人講o野．．　仲call朋友講呢件事，　然後好大聲咁係度講"係啦，都停二三分鐘，但係無所謂啦，少少時間之嘛，咁急摧人地一個唔該出事的話就一世，到時真係就算唔駛付責都內疚啦。" 講完之後覺得明顯地聽少了垃圾．　過多一陣，　就聽到月台助理同月台長協助下成功咁係關到門放到隻手出o黎．．　但係一路到羅湖都十分清靜，哈哈．（我都知道有人怒啤我好耐)  , 不過心裡面就心都涼哂呢,，嘻嘻

 

但係講真，平時都覺得好奇怪，唔知其他人有無留意，大份人過關時，　都十分肉緊同趕時間，　若然係一個半個就唔駛講，　我係講當ｏ的人一到羅湖落車，　就一定快快腳走，'do'　部閘機略為慢ｄ，龍尾都即－時”摺摺”聲．．　香港關口 e 道時情況一樣，稍慢都有人提醒你換過另一隻手，過橋，追趕跑跳碰出齊；中國關口，有鑑於內地多了一個視象辨識,所以若你企錯位,照唔清,手指放得唔好, 稍慢的話都"摺摺"聲不絶於耳, 而o係後面d人即時提醒你 "你試另一隻手啦 / 你面向住鏡頭啦,, 每次我都覺得呢d人係對關口空氣敏感,定係個個都咁趕時間呢，所以一到關口就好想有咁快走咁快，快快腳，咁沖關．　但反之見到一d遊客就唔會有咁情況，香港人，你真忙。

technorati tags:閒情日誌