休息半天

今日下午休了半天假, 同我媽媽去醫院眼科睇醫生, 因為話明病人視力有可能因檢查而影響, 估建議病人家屬陪同. 所以就我陪同啦.

今早都唔算太忙, 不過lunch hour時都要執埋o的手尾先走. 好彩無遲到. 不過又係十五分鐘lunch 囉..

事前, 我媽仲鬼咁精帶定書去睇, 點知一去到無耐, 護士初步檢查時滴咗幾滴眼藥水, 之後話:[o的藥水有o的"那", 同會睇o野唔係咁清楚, 係咁o既, 比醫生睇就得o架啦.. ] 

即係無得睇書, 哈哈.

點知跟住一等就咗兩個幾鐘, 成四點幾先見醫生, 好彩醫生o既檢查結果係無事, 咁等咁耐都值得啦. 

有段小插曲, 話說當時醫生話係小小飛蚊症, 要做多o的護理, 跟住比咗張紙我地了解一下"飛蚊症"係咩o黎 (我真係聽過之外就無知啦).

跟住攞藥時, 我叫我媽媽不如look look"飛蚊紙"先啦, 佢仲話唔駛, 不過我叫佢聽咗先, 唔明都可以返兜問醫生嘛.
唔睇由自可, 一睇, 裡面有句self check o既 remark, 話有突然見到有閃光, 就話有可能係視網膜脫落o既先兆喎.. 嘩, 勁驚, 即時上翻去揾醫生再報告一次, 好彩醫生話佢已經檢查咗眼底無問題.. 我地聽咗個心都定o的.. 之後先至攞埋藥離開.  lucky ..

之後夜晚返屋企煮飯食. 無驚無險.