向日葵的温室

2010-02-05T15:25:00.000-08:00

哭不出來

19JAN在機上, 正等待著起飛訊號呆著沒事做時, 打開報紙看一下.

當日頭條,便是一則海地的消息.當日,傷亡數字公佈時已經有5~6萬了, 報紙頭版有中間有兩張較大的相片, 令我印象深刻。第一張, 是一個工作人員手上抱著一個傷者跑在街上, 路中間有一具燒焦了的屍體, 不遠處還有一具正在燃燒的, 但他的目光沒被身旁的事影響, 只往前跑向醫院.

另一張, 是另一個工作人員, 隨手把兩具小童的屍體拋到路上, 好像想放在路上等安置, 攝記的功力很好, 三個目標都清晰可見, 一個屍體無力的著地, 身體扭曲;而另一具, 則仍在半空中, 頭下腳上的翻著即將到地了。

兩個小童的面容,神態, 茫然的目光, 感覺就好像將離世前所受的痛苦寫在面上, 再埋入塵土. 兩副映像投射入腦海, 痛心的感覺由心湧出來. 看畢全文. 已經不想再看其他的新聞, 心中總記著當地的苦況, delay了半小時的飛機終於可以起飛了, 閉上眼睡一會吧, 之後慢慢聽到起飛的聲音....

突然, 感覺光了一點, 環顧四周好像已經下機了, 在一個荒地之中, 我躺在路邊等候, 看到腳邊, 這個好像黑色的是甚麼? 好像是.... !? 心頭一震, 開眼一看原來是發夢. 但眼淚卻在眼眶中打轉, 終於跑出來了.

身旁坐著另一個華僑, 看到我的情形也有點担心, 但也沒甚麼.

在這兒也有看到海地的新聞, 比香港的還要多. 不敢想像當的情況...

隨著日子流逝, 人數仍然上升到現在三倍多. 為什麼會這樣子, 是他們做錯了甚麼事?

不知道. 相信也沒有.

但很多人總是不滿足. 為小事而不快, 為小事而流淚. 但看著我們手上所擁有的東西. 仍可以計劃著星期天的行程. 其實, 已經好幸福.

馬不停蹄

2009-12-27T22:14:00.001-08:00

啱啱咗一個月啦, 上個月, 為咗11.22忙到甩肺, 好多謝一班親友兄弟姊妹幫手, 終於告一段啦!!!

其實, 11.22之後, 之後馬不停蹄, 好快都會有兩件大事. 好多朋友知又有d好多朋友唔知, 所以不如blog埋出黎.

(1) 就係12月底返我老婆娘家擺酒;

(2)返來之後兩個week, 就要飛美國出trip, long stay 兩個月 :(

第一, 已經準備要另一個湖北之旅嘞, 唔係度蜜月呀, 不過都係咁開心, 就係返湖北我太太娘家擺一次酒。

聽日就上火車啦, 心情都好緊張, 根據第一次經驗, 已經瀨過0野, 寒冷天氣攪到哮喘返哂0黎, 所以今次不敢鬆懈. (呢兩日湖北5~ -2 'c, 雨雪中). 預算一月初返到香港。

另一件事, 係會long stay 係美國training兩個月, 因為由原定三月pull-in咗兩個月, 所以好多事情都未準備好. 返來之後, 又要準備美國trip 0既行李咯.

雖然d相都係啱啱收咗兩星期, 已經沖咗一份copy比娘家.

另一方面. 其他朋友0既相, 都可能要等到我係美國返黎之後先可以分發lu~~

係美國, 應該有時間prepare我個blog update嘞啩.

三十日倒數.嘩嘩嘩打到嚟啦!!!

2009-10-22T20:36:00.001-07:00

三十日倒數.嘩嘩嘩打到嚟啦!!!

最後三十日啦~~ 呢排0既心情係一條好q複雜但係又好唔正常0既equation.....

超忙 + 緊張 x 煩躁 + (胃痛 - 失眠) * 發呆 / 洗錢倒水(減壓)

勁興奮 x 勁期待 x 勁開心 x 腎上腺上升

準新郎 w/熊貓眼特別版

無無聊聊, 藍光咸檸七

2009-06-07T20:38:00.001-07:00

早兩日入咗觀塘, 叫咗杯咸檸七, 幾好幾好~~~
正.

復活節馬來西亞之旅, 向Tenggol島進發 - 4 (最後一篇)

2009-05-13T12:31:00.001-07:00

深潛?
o係five sister，有5道沉船係水底，不過第一二隻已經係28米/33米，其他更深，所以只係忽忽參觀過兩隻船就算。　隻船真係好巨型，好鬼壯觀！係船身游過時更加感覺到，不過就未現一ｄ好特別有趣o既生物。

小插曲．扮蜘蛛俠

第三日當日阿Paul帶隊，當日係o係一個大流o既地段(習性係咁)?一隻好特別o既Nudi，剛下潛時都齊人，到下潛後，一到seabed stay point，count人數時發覺已經 lost左兩個buddies，兩個都係有經驗diver，而o個度只係水流較大而無其他危險，所以當事D.M.示意繼續行程。
到我地上水之後，果然兩人已經o係船上，問返detail，原來佢地下潛位置離岸較遠，一到4~5米深時一個大流沖到就將兩人沖走，當時佢地仍然把握到時間伏係岩石牆上貼實，雙手抓住大石咁扮蜘蛛俠，本來諗住爬石前進，但身處位置水流太大，根本就寸步難移，最後支持左7分鐘之後，決定放棄然後上船休息。
當然，人無事已經OK，潛少一次都無所謂啦。

呢條batfish，真係攝石魚，竟然係大合照時衝入鏡，仲游來游去阻住鏡頭，所以索性攝佢入鏡，益下佢做埋大合照主角啦！

呢隻海蘋果, 賣相ok嘛?

呢隻蝦仔，又係"柄"埋係珊瑚/海胆後面，同香港見到都係一樣，果然係同一個品種。

唔好睇錯, 佢真係mini-nudi 黎o架

呢張係遇害者相片.... 被某踩左一腳之後, 口吐白絲.....

拍拖都被人偷影.. d水底攝影師真係唔啱

你睇到我嘛?? 我係模仿蟹 declaration crab....

影得最多, 係呢d色彩鮮艷0既管蟲. 好colorful, 好靚架, 好似聖誕樹一樣!

佢地係島上resort養左隻鵝，細細隻未成年，唔伯人但係好怕水，所以一落水就馬上游去身邊ｄ人個爬上佢膊頭，再整乾淨個身，好得意！一乾身就拍翼，好英o架。

展翅高飛！不過隻翼細左小小． :p

全個旅程, 雖然第一日traveling用左日半, 但全程都好好玩, 當中Tenggol島so far真係覺得值得再去, 不過當然係遲d先啦. 值得推介.
尤其是鍾NUDIBRENCHS 0既人, 去得過.

2009-05-12T09:40:00.000-07:00

５．１２．０８的追思

一年了, 轉眼間便一年了.

去年今日, 星期日, 風和日麗, 風災肆虐令緬甸幾乎陷入癱瘓, 全港多個慈善機構都為緬甸籌款, 而自己當日, 正為宣明會幫手係尖沙咀街頭募捐籌款。

仲記得當日於街頭, 見識到不少人們的咀臉, 有慈心人等別跑過來, 亦有人避之則吉, 甚至露出一副厭惡嘴臉 (駛唔駛呀), 一路到下午三四點, 收到向日葵的來電, 說四川生了約八級的地震. 當時在街上十分嘈吵, 聽到之後未有太大感覺, 但知道總理已經馬上動身趕去四川親自帶領救災行動. 想到這次總理竟然反應這麼快, 自己還不以為意, 忘記了當年所讀. 唐山大地震的慘況.

到了差不多完成籌款活動, 散場後, 在街上開始不停看到電視傳來一段段新聞. 心想, 出事了. 真的出事了.

很快已經想到, 這幾天有排忙了, 因為相信另一輪籌款必須要馬上開始.

果然很快收到CARSON的電話, 呼籲多D人手參加籌款活動. 而之後一連多個籌款演出亦要大量義工幫手. 當時都撥出咗大部份時間去幫手.

第一個星期, 有幾個C&F人每日都幫幫宣明會0係中環附近募捐,午飯,放工, 日日如是, 但仍然不停傳來一個個慈款爆箱的好消息。仲記得, 為緬甸籌款時, 仍然不停碰釘, 而當日為四川籌款時, 感覺到每一位慈長人翁十分慷慨. 好多次都聽到人都話 "頭先係街頭已經捐咗啦, 不過唔緊要啦", 聽到都好開心.

印象比較深刻的, 係向著一對內地遊客募捐, 當收到捐款補上一句多謝時, 相反地對方送上更多句"多謝"以及躹躬, 還不及反應, 原來佢地更加多謝我地咁落力為同胞出力, 佢地都好感動。

一幕幕救災片段在電視上轉播，眼淚在眼眶中不知多少次．

慈款，好像是破紀錄的多了，但自己不知道是多少，只是關心是不是可以儘快送到災民手中，因為生命，是不等人的．各地的支援大力的為災區出力，顯示出全國上下一條心的國情．

一年過了, 當地復甦工作如火如荼, 為災民重建社區,

這一次地震, 雖然帶走了無數的生命,

但更凝聚了更多人的心。

人們．會記得這一天。

為死者默哀．為災民祝福．

延伸閱讀

．三十年後，再次震醒了全中國人民．
癈墟中的兒歌：　兩隻老虎

2009-05-04T22:59:00.001-07:00

復活節馬來西亞之旅, 向Tenggol島進發 - 3

呢度不愧係Nudi garden, 真係發掘左唔少Nudi：

呢隻Nudi係resrort度出哂名，叫”比卡超”，因為d鬚角伸直哂時，真係有ｄ似佢喎．

呢條Flabalilia，顏色好鮮艷

呢隻Nudi好似天鵝咁，有對翼係背上，不過勁細隻，只有1cm長，好難影到。

Nudi已經夠細隻，佢地未成年時就更Mini,所以Nudi仔只有 1cm左右啦（若果睇唔到就放返大張圖睇啦）

咁大隻，成兩隻手指咁粗o架．ｄ質感好似擦紙膠咁．

呢張執過下ｄ色，靚左好多．

呢張自己都好满意．呵呵呵～

2009-05-04T22:00:00.000-07:00

10大婚禮易出錯細節

世界上未曾有過百分百的完美婚禮，然而一些容易出錯的環節，還是應該引起正在籌劃婚禮的你的關注。
《大日子》編輯總結「婚禮易出錯細節」，通過萬名網友在 darizi.cn上票選，製作了《婚禮易出錯事件排行榜》，幫忙提點更多即將走進禮堂的朋友，讓遺憾遠離婚禮。

10大項目都幾值得分享, 所以share係度比大家睇下.

1) TOP 10 邀請太多不相關的人，造成冷場。
一個簡單的道理就是每增加一個客人就等於增加婚禮的預算。如果你有一個費用的最高限額（大多數人都有），你增加人數就意味著要降低其他方面的支出。賓客的增加就等於降低宴席品質。邀請那些你所關心的人和在你生命中有重要地位的人。在婚禮的那一天，你一定希望被溫馨熟悉的笑容圍繞，而不是那些你認不出來的臉孔。
投票結果 / 0.9%
心聲: 始終呢個唔係普天同慶, 請咁多人若唔係真心為自己祝福, 又為乜請呢.

2) TOP 9 不要以他人的意向來籌備自己的婚禮。
婚禮將把許多人，如親戚、朋友和一些社會團體帶到你的身邊，但更重要的是它將把兩個人結合在一起，共同生活。在你籌備自己的婚禮時，應把焦點集中在自己想要做的，而不是別人所希望你做的。的確，考慮別人的感覺是很重要的，採用一些象徵性的行為將能取悅於別人，但千萬不要做原本自己並不喜歡，而僅為了使別人高興的抉擇，也不要做超出自己支付能力的安排。
投票結果 / 2.3%
心聲: 每個人都有唔同意見, 個人意願, 呢d真係好主觀, 所以真係要當時人自己拍板, 最緊要係量力而為..

3) TOP 8 忘記進食，導致自己身體無法支持到喜宴結束。
饑餓是新娘、新郎需要面臨的，最容易被忽略的大問題。以為不吃早飯就可以使你在穿婚紗時顯得苗條嗎？這樣做的代價是很大的！早飯可能成為你一天內的最後一餐，而你在這一天卻需要很多能量。如果你胃不好，那就儘量吃一些熱量高、好消化的東西。如果到了婚禮開始時覺得胃不舒服，那恐怕就沒有時間再吃東西了。許多新人因忙於接待客人而無暇顧及自己進餐。不吃東西使人沒有精神，嚴重得可能還會暈厥。因此，在婚禮開始前一定要吃些東西，在宴席中也儘量吃一些。
投票結果 / 2.5%
心聲: 同意呀, 可能想食都無時間, 到時因為肚餓而影響心情/狀態就唔好啦. 呢點應該要加入run down裡面.

4) TOP 7 婚禮結束後，忘記帶走賓客送的禮物。
婚禮結束後緊繃的神經會馬上放鬆，收尾的工作便開始丟三落四。尤其是賓客送的禮物，常常會在婚禮結束後被弄丟。要知道，結婚禮物往往價格不菲，而且是親友的心意，弄丟後不僅會被親友責怪，自己也會覺得可惜。婚禮上收取禮物時應該作好記錄，並請專人負責保管，儘量不要遺失。
投票結果 / 2.9%
心聲: 同意, 人家一翻心意, 點可以轉手就拋於腦後?

5) TOP 6 情緒過於激動，或考慮過多婚後的事情而產生壓力，令自己過於緊張。
穿上婚紗的場面是兒時就會出現的幻想，當這一天真的來臨時，一些新娘無法很好控制自己的情緒，無論是面帶僵硬笑容，還是將激動的淚水從頭揮灑到底，都不能將自己最好的一面表現出來。而新郎則容易考慮過多婚後的事情而產生壓力，以至於採用鎮靜劑、酒精等使心情平靜，導致自己渾渾噩噩的度過了自己人生中最重要的一天。
投票結果 / 3.7%
心聲: 結婚恐懼症?

6) TOP 5 對小的錯誤耿耿於懷，令自己狀態不佳，甚至誘發更多錯誤。
「忘記帶耳環了，那是我為搭配婚紗特別挑選的…」
通常忙亂從婚禮的早晨就開始出現，像這樣的小遺憾發生時，切勿耿耿於懷，破環了一整天的心情。如果大的問題出現，你也不必驚慌，讓別人替自己解決，而你只需放鬆自己，保持笑容，去享受專屬於你的一天。
投票結果 / 6.6%
心聲: 當日心情係最重要, 享受當中每一個細節, 就是小小失誤, 都係值得回味.

7) TOP 4 讓酒品差的客人喝醉。
婚禮上難免要推杯換盞，雖然說酒精能夠令氣氛high起來，但還是要特別關注那些酒品差的好友。有些好友喜歡在酒後胡言亂語，如果和諧的婚禮氣氛被親友酒後亂言所打破，就太得不償失了。還有一些人在酒醉之後很難掌控，必須提醒服務員特別注意所有來賓安全，同時讓你的伴郎或男性好友盯緊這位來賓。
投票結果 / 17.1%
心聲: 同意, 可能請人走添.

8) 4) TOP 3 強迫自己在婚禮上做並不擅長的事情。
婚宴上並沒有一定要求新人獻藝表演的規矩，但有很多人都會在婚禮上安排1、2個自己表演的節目。此類節目以唱歌，演奏樂器較多。新人往往會只選擇自己的興趣，不考慮自己是否擅長，常會製造很多笑話，不但新人沒面子，在場賓客也會感覺不適。
投票結果 / 18.9%
心聲: 呢一點係要諗諗.

9) TOP 2 花太多的時間接待個別賓客，拖延了正常的婚禮流程，或冷落了大多數賓客。
一定要儘量用最少的時間去接待每一位來賓，合理安排婚禮時間。在婚禮當天，有很多你必須做的事情，敬酒、切蛋糕等。如果你用了很多時間接待個別來賓，其他賓客會覺得你是一個很不懂禮貌的人，而且也會令婚禮流程整體拖後。如果在婚禮上遇見很想聊天的朋友，可以最後抽出一些時間來好好敍舊。
投票結果 / 20.7%
心聲: 值得記錄, 要一個人幫手跟住d時間, time control.

10) TOP 1 新郎新娘遲到，或重要物件（例如：戒指、婚車）的遲到。
遲到不僅是婚禮，而且是生活、事業各個方面的大忌。不論你是舉行婚禮，還是參加婚禮，都要重視時間，不要阻礙婚禮的準時開始。因為婚禮如果無法按時進行，那一切流程都將推遲，隨之舉辦場地和來賓都會出現一些問題，尤其是之後婚禮舉行地可能還安排了另一場婚禮問題，出現之後將很難解決。
投票結果 / 24.6%
心聲: 正確!! 人生大事, 邊可以推遲架, 守時係當日最大最大前題.

2009-04-16T08:52:00.000-07:00

復活節馬來西亞之旅, 向Tenggol島進發 - 2

〔一個心臟有事，兩個有哮喘，兩個精神有問題－－－＞五個齊齊落海!!〕

一到步就認識左兩個島上重要人物：Christy（D.M.)/ 阿Paul(老闆之一)，兩個係廣東話溝通，而且兩個都係熱愛海底活動又健談，所以份外好傾同親切。

今次所有潛點只會圍繞個島，經christy介紹，呢個島最正最多就係．兔．．．海兔Nudibranchs（簡稱 Nudi），言談間都話係呢度係Nudi playground （註：開頭都不以為意）。

幾個buddy中都係初相識（只有一個較為熟），大家都要互相熟習一下。所以到步後食過午飯馬上開始Check dive：Turtle point。唔知當時個D.M心裡面點諗呢（見副題）? Ha ha ha ha~~~

果然呢度好特別，見到Nudi機會比其他地方多好多，第一個dive已經見到三四隻不同種類o既Nudi，正！
上水之後，大家已經急不及待第一個sunset dive．．．．．

dinng D?都係放係?上一齊食，唔係Buffet？呢個時候，發覺原來我地今日係包島客，因為其他diver??離開左，第二日先有其他人到步．呵呵呵！真是另捨不同。

夜晚　sunset dive 之後，阿Paul show左d相比我地睇，Wow!! 佢影得好好，隻Nudi係佢o既技術之下竟然可以清清楚楚，矩細無遺咁拍出黎！蚊滋咁細隻都可以咁清楚，好利害！

而Christy仲講左ｄ攝影技考比我地之知，點樣打光，光源由Nudi後面/側面打有咩唔同，雖然基本上同平日影相差唔多，但係放係水裡面用，變左小電筒，個玩法又有ｄ唔同。

第二日中午，又有三個阿Paul D老友入來（本地Diver），又係一班Nudi發燒友，其中仲有D.M.在內，佢已經入黎好多次，非常悉呢度，感覺就好似多左個D.M.咁，哈哈。

一次過見到兩條獅子魚比較少見，不過呢兩條，都應該係一大一小啩．

打後三日每日四個Dive,包哂AM /Noon /PM /Sunset 全日，每2 1/2~3小時一次好似食藥咁．正！而且呢幾日係每日copy相片時，同D.M.閒談間都係偷到d師，係下個dive時再綀習一下，感覺有d似學o野多過似fun dive。

你睇我唔到，你睇我唔到．

呢條魟魚肥do do好得意，不過條尾斷左，感覺仲肥ｄ添～

一路到出島前一日，last 1~2個dive時，我地都去返D到過o既潛點，一來因為攝影較技術唔同左，所以想盡最後努力影多幾張好d o既Nudi相（因為係香港真係無機會見到咁多種類o既Nudi）；二來，亦因為Nudi出沒於15米以上為多，o係咁淺水d氧氣消耗低好多，所以我地可以張水時間拉到最長(目標:10bar 先上水)，哈哈。
經過商議，呢條橋最抵玩，所以一致通過！

去到最後一個dive時，o係非常專注呼吸o既情況下，係水底逗留到80分鐘時竟然仍然有60bar! 而其他各人情況都差不多，但因為真係太長時間，D.M.係水底打哂鑼鼓咁叫上水( XP ) 叫上水，所以潛唔到最盡添．．．
我一上水，重叫大聲咁問：”有無攪錯呀！我仲有成60bar，咁快就叫上水！”，自己都覺得自己勁貪心，哈哈。

2009-04-14T09:42:00.001-07:00

復活節馬來西亞之旅, 向Tenggol島進發 - 1

出發啦！
一早飛左去馬來西亞，再轉機去丁加奴，向Tenggol島進發．下午未有船出海，所以係丁加奴China Town（登嘉樓）留一晚．

有ｄ時間四處逛逛，中午行過間肉骨茶食店關左，以為清明節所以休息，晚上經過然開返，咁又點可以唔幫襯呢，味道真係唔差。

司機叔叔話，ｄ空樓房關哂窗門只得一個天窗，有人養燕子集燕窩，路過見到有人開左門，又好似係真喎，間房霉霉濕濕咁．．

逛逛街市，發現竟然有海龜蛋賣！一小袋5~6隻賣4蚊馬幣，雖然當地人習慣取之天然未當係一回事，但我地呢ｄ賴要讀過書又叫自己做小小護海人仕0既，真係見到心痛。

第二日一早出門，坐左個幾鐘車去碼頭再轉一個鐘頭船，中午到達 Tenggol Island Beach Resort，就係今次六日五夜dive trip目的地。
環境一流，全島只有兩間Resort，全島未開發（亦無其他娛樂），真係好似侏羅紀公園一樣！夠原始，正！

2009-04-14T08:17:00.000-07:00

對先人的一點尊重．破地獄．

文不太順，不通，不想修文了，鳱文出吧，請勿見怪．

第一次到香港殯儀館．帶住悲傷的心情，掛著笑面上香．因為福壽全歸，兒孫滿堂，笑喪．

為先人送上最後一個儀式．所以依傳統找來一班道士打齋．再做一個破地獄的儀式來為先人開路．為先人幫最後一把．

但看著看著，還以為看錯, 連頌經都竟然係播帶！！？？係o個ｄ電子唸佛機．．．．感覺咁兒戲．係咪我攪錯？

到儀式即將開始了，由大法師帶領，但點解咁怪怪?o既？破地獄ｄ技法，手舞足蹈，似跳舞多過做法事？

全場法事都好似有氣無力咁跳跳下，不知所謂，一做完後就忽忽離場．．．．　

到坐蓮，摘蓮．．．　三分鐘未夠，又攪掂．．．

又係忽忽走人．．．．

係咪做耐左就會咁交行，仲要交得貨得咁盡．．．

心裡面覺得好唔忿氣，點解會咁行貨? 有時，交行貨情形可能在所難免﹐但呢d祭祀儀式又點會接受得到呢種情況??

作為法事主持人，對先人的一點點尊重不是最重要的嗎?

真係．．．．．

香港大酒店．．

　

2009-03-18T21:23:00.000-07:00

19Mar．一路好走。

掛掉電話, 電話內容, 只是約好前往今晚設靈的地方, 但, 收線之後, 之前未出來的眼淚, 在眼角中俏俏地走出來了。

腦中還未有想起往事, 但淚線的反應比腦海還要快。口不對心, 好像連眼睛也比大腦更了解我自己了。

最後一次探望你時, 你臥在床上睡著了, 知道你也很辛苦, 我們也不敢叫醒你, 讓你好好地休息, 想不到, 這便是最後一面了。

今晚, 再探望你, 見過你最後一面之後, 明天便要為你送上最後一程了。

一路好走。

2009-03-04T23:58:00.000-08:00

東門站內的大鐘

唔知大家有無係深圳東門坐過地鐵? 而係東門往羅湖方向月台上, 個大鐘就有d特別, 係咩? 就係個大鐘上面, 每個車站或者月台都有個大鐘, 但就單單係呢個大鐘, d數目字就好似用箱頭筆畫上去咁, 唔係一般印上去咁效果. 係上面買票層, 個個大鐘都d數字絲印普普通通好正常, 一d手畫痕跡都無, 唔通... 係..... 連個鐘都偷工減料?????

大家有時行開呢度, 不妨留意吓吖.

2009-02-15T05:13:00.001-08:00

訓練營的結果

仆左兩次．
飛身左六七次．
殺左最少八個人．
但，跌左對眼．
今次,真係跌眼鏡．．．．．．．．．．

2009-01-19T22:51:00.000-08:00

My 16 random things

Blog 有blog tag, 唔到facebook都有tag. 幾得意所以接咗,post埋係度啦．

Rules: Once you’ve been tagged, you are supposed to write a note with 16 random things, facts, habits or goals about you. At the end choose 16 people to be tagged. You have to tag the person who tagged you. If I tagged you, its because I want to know more about you.

１．新年仲有幾日，呢幾日要點準備好呢?
２．新年假期１０日，會留港消費，要諗下點用．
３．每一日都好忙，目的，只係希望放假時玩得開心．心中無憾．
４．經常拋低家人朋友專心工作，目的，係可以陪家人時可以無負擔咁享受．遊閒．但，究竟係咪用錯方法？
５．享受現在0既生活．可以幫人，可以幫自己．
６．鍾意食甜食，但更怕有痰，所以少食．
７．我算唔算外冷內熱? 唔算．應該係外熱內熱．所以經常感冒發燒．
８．一個典型買物狂．花費太多係無謂物品上．
９．山羊座，迪斯馬斯古．係一個好兇狠但只識做o野唔識諗0野0既人．只係想係個簡簡單單0既工作環境做事．
１０．被人撩起左條癮新年出潛，最後都係放棄左，只係以儲錢為大前題．
１１．好想同至愛係共同興趣，共同活動．一齊享受生活，咁已經足夠．
１２．朋友唔多因為經常鬧人．但因為當佢朋友，自己睇唔過眼先出口，唔係，尤得佢啦，
１３．自己係一個好極端0既人，一係好專心，一係好容易分心，所以有時做事係好慢，因為multi-task得太緊要．
１４．想去唔同地方生活，生活係唔同世界一段時間．
１５．做任何事只想憑良心去做，開開心心．情願將ｄ麻煩事自己攬上身，等其他人開心ｄ．
１６．過年後，要繼續為人生大事繼續準備．全速前進．

短袖背心

2009-01-04T20:33:00.001-08:00

短袖背心

係喎, 你過o黎要揾吓有無底衫著. 睇吓係仲有無短袖背心先.

? 短袖背心? 我有短袖背心咩?

係呀, 上次過來時都睇過, 好似無短袖背心.

但係, 你講短袖衫定係背心呀? 短袖衫會係背心... ?

唔係喎... 上次.... ? 你, 唔准笑呀. 剪短咗隻袖0既底衫....

係, 係, 咁好似唔叫背心啫...

唔准再講呀...

(二人傻笑中.... )

Blogged with the Flock Browser

SPCA 灣仔海濱長廊狗狗白色聖誕

2009-01-02T23:35:00.001-08:00

又一次同spca出function,今次比上次好得多, 係灣仔到攪, 果然比淺水灣好得多, 雖然大家都係雨中扭波(結果係淋病咗,第二日放假，本來係消假，結果係變咗病假, 不過都係放假嘞, 哈哈哈), 但係同平時相比, 無咩問題啦.

今次活動, 好多謝今次兩位統籌, 唔單只有靚靚支援人員同場支援外, 仲同大會好快咁爭取咗個好地方連帳篷等我地可以避雨, 若遲d先問, 可能已經被其他人用咗.

見到好多愛狗人仕靚仔靚女帶住狗狗(貓都有架)散步, 同佢地扮靚, 扮得又型仔,仲好有聖誕氣氛, 真係好鬼開心, 更加感受到佢好對動物既愛心. 雖然活動前小小波節, 另到大家事前準備好既價目表無出現到, 但可以話因禍得福, 因為咁, 我地更加可以無拘束咁即場創作, 更加知道就係, 主人為咗佢地0既仔女(狗狗), 會變得創意無限! 唔係都唔會出現"動物小皇冠"呢~~ 真係要多謝佢地帶來新0既靈感比我地, 亦因咁樣, 其他主人有樣學樣, 好有興趣咁落order. 當然捐款亦都增加咗啦. 多謝自己0既勞力之餘, 更加多謝佢地既創意.

呢隻大狗，真係好巨型，一出場就引黎不少閃光燈．去到邊個攤位，都有一大班人圍住黎影相．自己都影咗張．坐低咗個壓力真係細ｄ．

呢個皇冠我扭架，佢真係好乖，戴完皇冠之後仲比我地抱住影相．

Blogged with the Flock Browser

０８回望／０９展望

2009-01-01T22:57:00.001-08:00

新年快樂！！！　

２００８終於成為歷史, 今年, 都想襯呢個機會回顧一下０８年既大事. 自己心目中o既大事．

一月, 向日葵被風雪所困，困於火車十幾小時，幾經波節先返都老家．担心不已，幸好一切平安．
二月, 過農曆年．平安過渡.
三月, 開始工作過勞.
四月, 以過勞情況下, 增加咗義工活動. 從中減壓不少.
五月, ５１２,唔可以忘記既日子. ５１２大地震. 事發當日自己仲為緬甸風災籌款, 估唔到,一星期後, 要為自己袓國籌集,出一分力.
六月, 飛咗去歐洲一個星期. round trip. 見識多咗. 但攰到死咗. 但仍然係不枉此行. 辛苦都係值得0既.
七月, 終於開始落水, 感覺真係好. 可惜貴咗d. 要慳d駛, balance返條數. 亦為自己私務作出安排.
八月, 為攪私務而返咗湖北一趟, 心情緊張, 但好好開心；撞正奧運, 世界盛事. 更加係中國人0既大大事. 係國內，大街小巷全國人民對呢件盛事0既熱心同鼓舞, 全世界都感受得到, 國力0既表現, 為中國人吐一口氣!! 唯一遺憾係劉翔0既受傷...
九月, 工作最低潮, 最忙最勞碌既一個月．．　；不少舊人離開，心理壓力比實際壓力更加大．
十月, 由九月尾到十用初放了一個星期假外潛去. relax. 叉電．正！！唔理點講，玩咗先講，返來後先重投地獄最深處.
十一月, 忙於私務,義工,工作,多翻波節. 未停過手.
十二月, 唯一好消息係向日葵可以陪我過聖誕. 普天同慶呀!
不過聖誕假一連四日三夜都咁忙, 穿梭於各個不同場合. 辛苦咗佢咯.

２００８是忙碌的一年，相比前幾年既生活，今年變化都好大（年年件咁講），感覺上好似由一隻牛，變咗兩隻牛咁，尤其是正式加入咗義工隊o既行列（真係一個好黑暗o既社團，會上癮o既），犧牲咗好多私人時間，連陪家人/女友時間都因為咁減少咗，但係認識咗一班志同道合o既新朋友，同埋眼光都擴濶咗，最明顯係個人開心咗，所以自己都覺得係值得o既．

好多謝雪晴介紹咗呢班咁攪鬼o既朋友比我，自己好似開多咗個新地盤咁．

另一個要多謝o既係Carson，因為認識到呢個人，所以加咗Ｃ＆Ｆ呢個團體（簡直係黑暗社團），四出服務之餘又可以同一班志同道合o既朋友嘻嘻哈哈，真係”助人自樂”．

其實更加要多謝女友，佢唔單只無因為我參加咗活動減少咗私人時間而唔開心，反而更加一齊出席活動支持我．多謝妳．

身體，其實比去年差咗少少，氣管問題ｓｏ　ｆａｒ　ｕｎｄｅｒｃｏｎｔｒｏｌ，但係感冒之類小病痛多咗，反而察覺到一件事，係旅行出發前就算係帶病出發，但到步一兩日就會ｒｅｃｏｖｅｒ好返．直到回港為止，外潛／湖北都係咁．直係休息夠就身體健康，今年會好好注意呢點．

今年，應該會比去年更忙碌，但今次係忙自己事咯．自己將要踏入人生另一個階段，要好好籌備自己o既人生大事．好好分配自己o既時間首要目標．寄望今年事事順利啦．

好嘞，寫住咁多先．有機會再落筆．

煩都講多句．大家新年快樂．２００９一切事事順利．各方面比０８更好！

Blogged with the Flock Browser

2008-12-17T22:06:00.000-08:00

又一年啦！盲俠行２００８

又一年啦！！
１１１５，係第三屇盲俠行步行籌款，而我今年都第二次參加呢個咁開心o既活動！！

今年，史力加﹑表哥﹑２４﹑８８８都有再次參加，而最特別係我個妹同向日葵的有一齊ｊｏｉｎ﹑一齊行，所以對我o黎講，別具意義！

而且今年同舊年身份有ｄ唔同，舊年只係初入團，搭單咁同班義工團一齊行，自己仲幫襯左隻單眼汽球公仔添；但今年，唔經唔覺已經係團中其中一個活躍份子，扭汽球有份幫手扭之餘仲負責分派比其他人添！係舊年真真係無諗過會變成咁．哈！

最高籌款額ａｇａｉｎ！
今年ｃ＆ｆ團隊由舊年５３人到今年一躍至１３１人（由團員　+朋友），人多好辦事，可能係咁，今年我地蟬聯"最高籌款額"第二年！　唔駛講當然係成班人上台攞奬啦！ｙｅａｈ！！（今次ｌｉｍｉｔ２０人，否則個台都頂唔順呀）

未起行前，比大家睇吓我今個公仔先啦

起行咯．一出大門就塞人，直到１２３０先離開到公園．　慢慢行到九龍城就開始"盲行"啦，今始我左右逄源啦，左ｅｃ右向日葵，哈哈．
離開左公園"盲行"段好快已經到左觀塘ｌｕ．．．　
係７－１１買左罐寶礦力之後施施然行到牛池灣街市一帶，由彩虹村條長命斜慢慢上順利，真係有ｄ累，到左彩虹村附近，，剛由公路轉上行車天橋，前面係補給站正在不遠，抬頭望右手邊，見到遠方橋上面另一班人，唔係化咁遠？？　

當係補給站同向日葵休息過後，原來又唔係好遠喎，上路走到橋上，望返落去公路，個景真係唔錯呢！

離開彩虹之後就一路長命斜到壁屋先開始慢慢落斜，真係好大段路呢，去到打鼓嶺補給站向日葵都已經好累，小腿已經好痛，一定要休息一下；所以稍息５分鐘之後再上路．　沿途都有唔少人爭住同我（個汽球公仔）影相呢．．．．　

好咯．．．　終於去到蠔涌片場外面，好陰森喎．．．　行多兩步已經到左白沙灣，平日落船多，咁早行過真係未試過．淩晨時份係別有一翻風味．

平日坐車時，經過白沙灣之後，五分鐘唔駛就可以到西貢市中心，所以一過左白沙就開始快步走，諗住好快到步；但係今日唔知點解，硬係行左好耐都未到"訂"．．．　平時架車，行得真係快，１５分鐘之後，終於見到市中心啦！用多１０分鐘終於行到終點西貢碼頭啦！

望見會場，好多人呀！參加者，義工遊客，好多人，唔少人仲係碼頭影緊相唔捨得走添，係終點滯留左一陣，見到唔少隊員，大合照梗係唔少得啦！

回程咯．

因為向日葵已經好累，對腳好痛，所以同幾個ｆｄ傾幾句，只係攞左大會派發既三文治早餐之後就上左大會巴士離開．

而今次盲俠行亦正式結束．

後記
今次第二次行，雖然腳掌仍然痛，但感覺舒服左好多，小腿大脾都唔係好支力．三四點訓醒之後就無哂事．

而今次同愛麗斯同向日葵一齊行，(而陪向日葵，所以基本上的都以體力可負担為主）．感覺都好唔同．今次無快放，只係漫遊，唔錯呢．

最後一句，今年盲俠已經完滿結束！

下年，仲行唔行好呢.............？

工作過量卻不過勞的六個方法

2008-11-26T20:34:00.001-08:00

工作過量卻不過勞的六個方法

根據洛桑管理學院(IMD)全球競爭力報告，2006年台灣平均工時為2,256小時，謹略低於韓國2,439小時、墨西哥2,385小時、香港2,348 小時，以及印度2,277小時。

【工作量大不過勞的六個方法】

《威力午睡》
越來越多醫學報告證實，工作日下午抽空睡20－30分鐘，有助於提升工作效率、降低錯誤以及減少人際衝突。這種短而有效的充電方法。《學習新嗜好》抽空報名學習一種新語言、球類運動或是樂器，給你不隨意加班的正當理由，又可以認識新朋友，靈活你的大腦與創意，提供更多與客戶聊天的話題。你將發現同樣的錢拿去繳學費，比買名牌衣服的投資報酬率高出許多。

《不把電腦帶回家》
下班後不只是你的筆記型電腦，最好連PDA、黑苺機全部都留在公司。這樣做會強迫自己工作時更有效率，下班時心情更輕鬆，更可省下家裡的電費。

《工作與家庭清單》
許多人或許已經養成隨時寫下需要完成的工作清單，但是卻很少人寫下為家人的需求清單。記住！工作的主要目的之一不就是讓家人幸福嗎？

《長假不如短休》
上班族與其引頸期盼一年一度的出國旅遊，不如妥善安排每天上班時的短休。在桌上放個計時器或網路下載提醒軟體，每隔50分鐘就讓自己從位置上起身，不管是喝口水、伸展筋骨、深呼吸、上洗手間，都能讓你疲勞的肌肉以及腦袋得到適時的休息。

《勤練放鬆技巧》
讓自己表情輕鬆，腦袋清楚。
許多人或許會說：「放鬆？這有什麼困難。」但是卻看見太多病人深受頭痛、失眠、焦慮、憂鬱等症狀所苦。心理諮商師邱永林指出偏偏這些都是身心長期無法有效放鬆的後遺症！除了上面提到的行為技巧，想要放鬆最首要還是心態和價值觀必須作調整！人類的身體跟心智就像一組彈簧，既不能永遠緊繃，也不能永遠放鬆，否則就會失去最佳狀態！有智慧的人會在緊張的工作中，發現值得輕鬆面對的趣味；也會在放鬆的生活時刻中，領悟到嚴肅的生命意義。

各位 ,請注意《身體的除濕》那一段 .

所以囉 , 如果工作許可時 9:30, 14:30起來為身體 '除濕 '一下 !

避免癌症的最佳方法，就是一年到頭都喝溫開水
救救自己，晚餐別太晚吃酸性體質是慢性疾病的開始(晚餐別太晚吃)晚上8:00再吃晚餐就算 ''宵夜 ''了 ! 你是不是也常忙到 8:00才吃飯呢？根據統計國內70 %的人具有酸性體質。酸性體質有一個很大的特徵，吃越好得慢性疾病的機率就會很高。因為體質變酸，酵素作用會受到阻礙，內分泌失調，荷爾蒙也會受阻礙。酸性體質的朋友，一味地吃大魚大肉所謂有營養的食物，事實上是雪上加霜，只會讓身體越來越糟，要找出問題的根源去改變你的體質，才是根本解決之道。

《熬夜會使體質變酸》
晚上 1:00以後不睡覺，人體的代謝作用由內分泌燃燒，用內分泌燃燒產生的毒素會很多，會使體質變酸，通常熬夜的人得慢性疾病的機率比抽煙或喝酒的人都來得高。
所以每天儘量在12:00以前睡覺，不要常熬夜，若非要熬夜，一星期以一次為限！熬夜時不要吃肉，盡量吃碳水化合物，這樣隔天才不至於很累，可把傷害減至最低。

《吃宵夜的人，體質容易變酸》
時常交際應酬的生意人，通常壽命較短，易患糖尿病、高血壓。凡是晚上8:00 再進就稱做宵夜。吃宵夜隔天會疲倦，爬不起床，肝也會受損，因為睡覺時，人體各器官活動力低，處於休息狀態，因此食物在腸子裡會變酸、發酵、產生毒素傷害身體。

《早起的人身體好》
人體在凌晨 4:30，體溫達到最低點，血液循環最快，因此古時候練功的人在4:30以前就起床。如果睡太晚，血液循環變慢，氧氣也跟著減少，變成缺氧性燃燒，會使體質變酸。《不吃早餐的人，體質會變酸》
一天三餐中，早餐佔了70分，午餐0分，晚餐30 分。可見早餐最重要，但台灣人普遍不吃早餐，更糟的是養成吃宵夜的習慣，這是非常不正確的飲食習慣。所以從現在起要更重視早餐，學習如何吃早餐。早餐一定要豐富而且要選擇耐燃燒 4-5小時的食物，才足夠你一天的消耗量。

《精緻食物加速胃腸老化》
少運動且整天坐在辦公室的上班族最容易犯這種錯誤，因為吃的少，刻意選擇很精緻的食物而少吃粗糙的食物，這種人的腸子老化的特別快，肝功能差，大便是黑色的而且會常便秘。因為精緻食物缺乏纖維素，會導致腸子功能變差，甚至萎縮，所的食物變成了毒素，使你體質變酸，慢性病也開始。養生之道就在日常生活裡吃出健康，也能吃出自信。

《身體的除濕》
身體的除濕小小柔軟操非常除濕喔!! 在秋冬季節變換時，由於外在的溫差、溼度，以致於飲食生活習慣的不規律，使得體內潮濕、氣血循環變弱、黏膜組織滋潤物不足，致使免疫力下降，很容易引發呼吸系統的病變，如咳嗽、鼻子過敏、打噴嚏、流鼻血不止、鼻塞、頭昏腦脹等毛病。
解決之道：
1. 早睡早起，晨起睡前做柔軟體操或簡易動功五到十分鐘，不僅可以鍛鍊出強健的筋骨，亦可清除體內的濕氣、寒氣或溼熱。絕對不要熬夜晚睡，那可是會將你的免疫力降低高達百分之三十的。
2.咳嗽時，我們可以握拳，以拳頭的上方敲打胸部的左上角及右上角；此乃肺部的頂端，輕輕拍打此處六十下，敲打中喉嚨會癢癢的然後產生咳嗽，這是讓髒東西出來。記得左右兩邊都要敲，可每日多敲幾遍。尤其騎車或上下班時間回到屋內，更應馬上敲打，以清理肺中污染的空氣。
3. 鼻過敏時，雙手同時按摩後腦袋五分鐘，喝熱杏仁茶，或大步快走半小時，或洗澡時以較熱熱水沖後頸部數分鐘。
4. 有一位治癌專家說：「避免癌症的最佳方法，就是一年到頭都喝溫開水。」我們的身體必須消耗極大的能量，才能將喝下的冰飲料溫暖至正常體溫 (攝氏三十六度半) ，如此一來整體的免疫力自然遽降了。所以如果你常喝冰飲料，建議你，將飲料退冰半小時或改喝常溫白開水。希望你能好好照顧自己ㄉ身體唷 ~^o^~

Blogged with the Flock Browser

下海上山之旅．十月五日．回程．

2008-10-09T23:23:00.001-07:00

經過九日旅程，終於係星期日回到香港啦！

這九天坐了四程飛機，回到香港各人都好累，但係就非常之開心。

現在花了兩天才收拾好行李，但要忙於公司的工作，所以相片的先整理進度緩慢，我會儘快完成這個ｔｏｕｒ的日記再發放．到時再分享出黎啦．

Blogged with the Flock Browser

下海上山之旅．九月廿七日．起行．

2008-10-06T01:52:00.001-07:00

這些天，經過了個多星期的特訓，終於可以放低手頭上的工作去放假咯！

返來見啦．

Blogged with the Flock Browser

八號風球下街景. 無聊

2008-09-23T09:18:00.001-07:00

八號風球之下...

有樹主動以斷枝封咗公園入口... 防止閑人進入.

人(休條街車都無架....

有垃圾借d意上街. 霸頭位等開車.............

有地盤天秤好似比風彎咗.

之後, 啱啱攞起個電話想報警, 行咗幾步就見到, 原來已經有消防員係大風大雨下隔離緊d地方, 防止誤中途人.

辛苦哂d消防員咯.

三棧燈

2008-09-03T23:47:00.001-07:00

每個人頭上都有三棧燈, 紅黃綠。
大部份時間都應該處於綠色狀態，代表心境平和。
黃色代表有壓力，或者起伏不定。
紅色，代表爆發了！！
大部份係都市內生活0既人，少少黃色少不免．．　

但係呢幾日開始失控．．　爆哂燈．

紅燈都爆．燒焦了．

身份唔同咗，工作又多咗，做完仲要無人ｓａｙ　ｔｈａｎｋ　ｙｏｕ．

仲可以點做？？？　

Blogged with the Flock Browser

2008-09-01T09:26:00.001-07:00

石屋．日本料理

深水埗大埔道８７－９１號地下
電話：２７４８０８００
食物水準：唔錯
服務：一般
價錢：一般偏高

尋晚ｆｕｎｃｔｉｏｎ之後去咗呢間度食，有分日式放題同散叫，我地就當然係放題啦，好肚餓．
＄１４８，有加一，任點任食９０分鐘，飲品任飲

刺身唔錯，值得一叫再叫．

天婦羅，一般啦，炸蝦ｄ粉厚咗ｄ，但蝦肉好新鮮仲彈牙添．

壽司，唔及一ｄ特長壽司咁激，但係都唔錯．

金菇牛肉有驚喜，好正！

呢盤咁大盤既壽司，無多名大人陪伴一齊，千祈唔好咁叫法，好易一o野打沉收工．

我地就係出咗事．雖然清咗場，但係就即時無哂ｑｏｕｔａ，投降．

安徒生會童話夢工場．我竟然係菠蘿油王子．．．．

2008-08-27T05:19:00.001-07:00

一路以來，幾次跟家友站出義工服務，都發覺好多方面都有改進空間，而講故事呢個環節就係其中一項嘞，因為一個吸引人0既旁白，可以令聽眾投入個故事。

另一方面，安徒生會亦係我地家友站其中一個重點服務機構，而為咗進一步加強我地一班義工0既講故事技巧，安徒生會特別係佢地ｏ既會舍安徒生會話夢工場特別幫我地安排咗第一個分享日比我地一班義工，交流下做義工o既心得。

九號風球後第二日就係我地集合o既日子，0個日天公做美, 還返一個好天氣比我地, 等我地可以安安全全咁join呢個交流日, 多謝！！

開始時o既自我介紹，令其他人更易了解自己，呢種方式值得借鏡呀，等大家可以快快咁打成一片，自己少接觸呢種小組活動模式o既聚會, 感覺好新鮮。

總共分三個部份：夢工場簡介；扭汽球；小組活動

扭汽球時，大家好手咁分三組，每個義工都好比心機咁去學呢門手藝，仲學得好快添．

到咗講故事時段, 考驗即時出現, 同組共七人，靜哂.. hahahah~~ 因為每個人諗一個故事唔容易成事，之後有人提議一人句一砌故事 (但係佢自己竟然一個人自己扭波... )，呢招又ok喎，因為唔係一個complete story, 咁可以free 好多．左夾夾, 右夾夾, 又ok咗一個故事大綱。

因為時間唔夠，所以brief 唔到每件事，所以其他人ｏｒｄｅｒ就係："唔該聽住旁白做動作呀唔該"．好在我地呢組有夢工場義工講故事非常了得，所以就請咗佢做旁白嘞，係故事大綱上面，小節位就佢自己執生駁埋佢（其他人臨時爆肚）

”有日，有個王子係行山時．．．．竟然失足跌咗落上崖喎，將跌時，佢只可以將把佩劍插咗係山崖上面．．．．．．（我係一個垂死o菠蘿油王子．．．．．．．）”

一輪爆笑之後，　果然效果唔錯！！　ｙｅａｈ！！

係第三個時段，睇得出大家ｏ既強弱項，爆肚，都可能做得到，但係好明顯要講到個故事生動活潑，仍然望塵莫及，希望借助以後ｏ既訓練，可以加強講故事同埋創作o既技巧。

唔．．．　可能有機會由菠蘿油王子變做菠蘿油司儀喎．．．　

Blogged with the Flock Browser

2008-08-20T06:06:00.001-07:00

奧運．釋名．

由奧運開幕到現在，每日大大小小奬項，各國選手都傾盡全力比拼，

而每家電視台都爭相報導亦都理所當然，但大家有沒有留意到各個運員的釋名亦各有不同？便是在同一個媒體，部們之間亦有所不同！？菲比斯（菲爾普斯）的八金圓夢令不少人嘩然，但我在玉器台新聞時段節目中每天是聽到的菲爾普斯的消息，但一般綜藝節目時段中的奧運節目，卻是天天嚷著"菲比斯""菲比斯"，這個釋名在已使用很久，所以可能較大多數港人所接受，而新聞台所選釋名明顯地和ｃｃｔｖ的如出一轍（較近似於國語發音），但不論那一方是對，同台不同節目之間是否要互相溝通一下，至少做到一個聲音？

否則，像現在的情況，五點左右的精華大聲嚷著"菲比斯！""菲比斯！"，但一到了六點左右的新聞時段，便要改口為"菲爾普斯！""菲爾普斯！"，真的感覺到很奇怪。，

尤幸中國的選手（拼音）沒出現這個情況，否則，真貽笑大方．．．

2008-08-20T06:00:00.001-07:00

傳聖火

ｅ，小姐，咁橋呀，一齊著鞋呀？

．．．．？　係呀．．．？你講咩呀？　你傻左呀？

咩呀，唔比呀．．．　:P

(高舉電風扇）呼呼呼（跑步狀），好似奧運傳聖火咁呀，　似唔似呀？

唔係呀，你另一隻手要揮手先得架，仲要笑o架。

咁呀，宜家唔得呀．．　（右手高舉電風扇､左手高舉揮動､笑住揮手）

你個樣好傻呀．．來來來，同你影張先呀．．

ｅ．．　我先唔會比妳影呀，才不會這麼笨（國語），我只係傻但唔係笨。　:P
比妳試下?。

高舉電風扇）呼呼呼（跑步狀），似唔似呀？

傻o既，咁大個人扮傳聖火喎，哈哈哈

你！＠＃＄＆｜－＋"╱＠＃

tag:回憶

奧比斯義賣月餅

2008-08-20T05:04:00.001-07:00

奧比斯義賣月餅

下星期才幫奧比斯義賣月餅，不過出門時係車站外面見到有得賣見到，自己已經用＄４０買左一個月餅咯．．　除左個包裝鐵盒外，打開裡面係奇華月餅黎架，味道有保證。

呢幾日係街上見到的話，都希望大家做下善事買返個啦，只係＄３０個咋！！

2008-08-20T02:54:00.000-07:00

．風雨不改．2008 奧比斯盲俠行又o黎啦!!

唔講唔到,一講就到, 一年一度o既奧比斯盲俠行又o黎啦!! 今年路線轉戰由九龍旺角開始行到西貢, 睇埋日出先收科~ 今年你地有無興趣參加?

詳文如下, 轉載自奧比斯官方網頁, 如果再有更新資料再update比大家啦!!

風雨不改盲俠行

比斯與保柏約定您11月15日午夜11時30分，無懼風雨與汗水，與各路英雄一起由旺角花墟公園出發，夜行至西貢看日出，全程約20公里，為全球救盲工作出一分力。立刻披上俠衣，呼籲良朋知己加入夜行陣線！

日期及時間
2008 年11月15 日（星期六）午夜11:30至翌日（星期日）清晨6:30

步行路線

旺角花墟公園 -- > 西貢碼頭

全程約20公里石屎行人路

步行時間約6小時

蒙眼夜行大考驗
於九龍城賈炳達道公園蒙著眼，走過約10分鐘的迂迴石屎路

網上盲俠大聯盟

密切留意即將推出的「盲俠行」官方網頁，今年各路英雄不但可以大玩心理遊戲，與超人和黑玫瑰一起測試俠義程度！

截止報名
2008年10月15日（星期三）下午5時正

報名方法
請密切留意網站公佈，或至電2595 0263聯絡捐款服務部。

原文：奧比斯官網

張敬軒 - 櫻花樹下

2008-08-14T10:54:00.001-07:00

很喜歡聽這首歌．　
好明顯，中毒了．
已經變了一團粉絲．．．．．　

張敬軒 - 櫻花樹下

作曲：伍卓賢
填詞：林若寧

樹蔭有一隻蟬　跌落你身邊
驚慌到失足向前　然後撲入我一雙肩
現你腼腆一臉像櫻花萬千
懷念美好高中兩年　期望你的青春不變　
去到今天

還記得櫻花正開　還未懂跟你示愛
初春來時　彼此約定過　繼續期待
人置身這大時代　投入幾番競技賽
曾分開　曾相愛　等待　花蕊又跌下來　
才洞悉這是戀愛

未有過的愛情　但有種溫馨
歸家那單車小徑　沿路細聽你的歌聲
沒法再三傾聽　你的感動匿稱
維繫錯的一番友情　無奈已經不可糾正
太過堅貞

還記得櫻花正開　還未懂跟你示愛
初春來時　彼此閉著眼　渴望未來
人置身這大時代　投入幾番競技賽
曾分開　曾相愛　等待　跟你未愛的愛　
你說悲不悲哀

妙在之間變改　小小世界
眷戀　也許走不破　拆卸的街
仕女亦隨年漸長　走得多麼快

如有天櫻花再開　期望可跟你示愛
當天園林　今天已換上　滿地青苔
如有天置地門外　乘電車跨過大海
匆匆　跟你　相望一眼　沒理睬
明日花　昨日已開

盜墓迷城３

2008-08-09T10:08:00.001-07:00

盜墓迷城３

上星期日，在３ｘ度炎夏，早早便出門了，目的是到旺角一間戲院買特價優惠入場卷，只－花了＄２０大元，便看了盜墓迷城３，這套剛出話的話題作品。

還是快快入正題吧；電影的骨幹是霸王（秦始王）尋長生不老藥為背景，戀上女祭師（楊紫瓊飾），但偏偏祭女師卻與霸王的心腹．郭明（但竟然係一個混血兒）相戀，導至皇上一怒之下出爾反爾，先後害死兩人，而女祭師臨死前落詛咒皇上；令皇上淪為石像。
（睇到呢度，已經覺得好有第一二集o影子。）
而以後故事亦順理承章，於千年之後，因尋找古墓而被有心人設計，幫助奸人令霸王復活。呢個人就係男主角班頓費沙個仔，當中又遇到守墓人（梁洛施飾）所阻，又老土地戀上人家兒子。

全套戲都無咩冷場，但不少橋段就好牽強，令到套戲變得不倫不類，好似：
．霸王的心腹．郭明，但竟然係一個混血兒？
．第三集女主角換左另一個女演員，年紀大左都配合劇情，但演不出上集女角的野性／追求冒險的一面；

．楊紫瓊呢個女祭師竟然識英文，感覺仲比國語流利？

．第一次念長生咒語時，明明要用"凡"文，但第二次念咒令死者生時，竟然可以用英文？？呆哂，難道數千年後亡魂也進修？

．李連杰變身為飛龍，但並非中國龍，而係一條三頭飛龍！點解咁架？佢啱啱由古代復活無理由唔係古代龍架？？唔通睇左哈利波特？

．而ｄ枉死者，又可以聽得明而復活，但奔走時遇到主角一伙人，又會英語不通？而之後又可以走埋一齊，仲呆ｄ添！

．女祭師臨死前吩咐女兒如何殺死霸王，女主角聽到，大聲話比個仔聽，睇落無咩；但係，兩母女臨別對話，竟然係用英文而非國語？橫豎戲內兒子懂得國語，可不以國語完成最後對話，讓兒子再轉達比其他人聽？

．最後一戰時，唔明點解子彈可以打破李連杰以法力形成o既五行球？

而李連杰可以變成猛獸，點解會成日用人形同兩父子對打，橫豎對方都輸梗？

為迎合中國市場而用不少華人影星，但著力點卻放錯地方，我想用"黃皮白心"o黎形容套戲，以西方角度拍攝中國神話，而故事由大綱及到不少細節位，都顯出製作為迎合西方口味而做成的"大意"，而令成套戲變得不倫不類。

知道電影係外地係大賣。但在香港相信不少人會因第一二集慕名而來（我也是），但實際上，卻笑住人吵鬧住走。

Blogged with the Flock Browser

扭汽球班．新出品

2008-07-31T10:23:00.001-07:00

好耐無更新過扭汽球o既進度，終於有時間出返個ｐｏｓｔ記錄一下嘞．．．

呢兩個月都多少有ｄ出品～～　

翠兒:

可愛得意貓:

金魚兩條：

企鵝:

毛毛蟲:

火星雞:

一大班傻雞:

傻雞:

蝴蝶:

四色炒豆角，就係咁嘞：

鑽石介指，我估都過千卡o架:

Blogged with the Flock Browser

傷健同樂嘉年華2008

2008-07-28T03:35:00.001-07:00

活動記錄：傷健同樂嘉年華2008 13-Jul-2008

轉眼便是兩個星期了，今次好似係跟ｃ＆ｆ咁耐出動得最多人o既一次。

自己負責扭汽球，而最記得係剛開始扭汽球時，自己企係分流位，安排方面仍然有點亂，所以要分心交待比分流人員運流程。全日都係扭汽球，將汽球送左比唔人，有ｄ已經遺忘，但仍然有ｄ印象深刻。

當第一個小妹妹來到面前時，好怕羞，只識企係媽媽身後對住我笑，今次第一次正面面對智障人仕扭汽球，點做好呢？

一朵小花．雀仔手環

第一時間扭左朵小花比佢，凡女孩子也愛花？睇黎係真，拎著朵花，好快就已經唔再抗拒汽球了，之後，雖然只是扭一隻雀仔手環比佢，當收到之後，佢媽媽帶佢離開時，竟然甩手走返回頭講多一聲"多謝"，感覺到佢真係好開心．自己都放心了．

狗和毛蟲

狗要戴係頭上，毛蟲要有花襯托
另外一對孖生姊妹（同一個義工），印象較為深刻，因為年紀較大，又心急仲好心散想四圍走，所以每個動作都要要同兩個人講話保持互動，有難度．當第一個完成之後已經唔想等，不過好在將話題引左去估汽球做型上面，可以將個話題帶都尾，之後兩個都好開心咁離開，放下心頭大頭，成功！

放大鏡？？

最突發係一個大大件o既"小朋友"，要整個放大鏡，呆．．．個”小朋友”係腦裡面已經有一個樣係度，但係佢無辦法表達得到．．．．　放大鏡．．．　原本差不多完場，有ｄ想扶衍了事，但係諗一層又覺得唔係咁好，所以想儘力諗，但係即場諗．．個小朋友越來越心急，自己開始緊張得滯．．．砌到一半腦閉塞時，但係好彩！得ａｌｖｉｎ提點，兩三下手勢埋咗個尾，個成品都滿足到”小朋友”ｏ既要求，掂！唔該哂ａｌｖｉｎ！

今次，係第一次正面面對陌生o既智障人仕扭汽球，點解要冷靜，要笑，爽手，佢地比小朋友更小朋友，學多左一ｄ處理技巧，希望以後可以做得更好！

ｐ．ｓ．今次自己無影相，大會攝影當中太多其他義工，所以唔放便放相上ｂｌｏｇ，所以只得一張相．

Blogged with the Flock Browser

排毒美顏寶

2008-07-22T10:24:00.001-07:00

排毒美顏寶
今日睇返，成兩個禮拜條疤都仲係度．．

仲痛唔痛呀．．？

唔痛好耐ｌｕ，但係未消囉．．

要唔要搽ｄ去疤膏？

唔知呀？

水母係唔係有毒架？會唔會ｄ毒素．．

唔，可能係喎．．　咁食ｄ排毒美顏寶得唔係呢？

吓？你講咩呀．．

早幾日食左盅亀苓膏，但唔得，仲係度．

吓？咁都得o既咩？

唔知呀，試下之嘛，清熱解毒（想講排毒）吖嘛，又無壞o既。

吓，都唔知係唔係．．．

諗過飲袪濕茶架，不過應該無咩效．．．　排毒功力應該無亀苓膏咁好．．．所以無試囉．．．

．．．．．．　（無言，被激昏了）

Blogged with the Flock Browser

出潛，又係橋咀．點知．．．．　中咗招．

2008-07-22T10:22:00.001-07:00

橋咀　

上星期六同兩個新認識o既ｂｕｄｄｉｅｓ出ｄｉｖｅ，第一次跟"海天"出船但係竟然又係又係去橋咀，因為係星期六要中午返頭接人上船。

２４～２６’ｃ水，唔錯．

太多次嘞，所以今次到左橋咀決定慢慢揾下有無ｄ新o野。好彩今次都見到ｄ新野．唔錯。

我唔係魚, 係一堆沙石:

落水無耐，就見到隻八爪魚，好細隻暱藏係隻蟹旁邊，唔係見到佢因為我ａｐｐｒｏａｃｈ而郁左一下（發惡變色），都唔發現，後來知道呢隻係藍圈八爪魚（有毒）；

第一次見，藍圈八爪魚．發惡啦，走鬼呀～～～:
藍圈八爪魚．你睇我唔到你睇我唔到．:

另外又見到一條碟魚類（唔記得查個名），一對翼好似飛碟一樣．

新見到o既魚，成隻飛碟咁:

新見到o既魚，成隻飛碟咁, 上面睇，都好兇呀．:

第二個ｄｉｖｅ，油鎚，張開個血盆大口，動物兇猛呀．．．．

係鰻定係油追?:
o拿．又想兇人．．仲大ｄ添:
Just to say HI!!:

小插曲．白炸，ｌａｓｔ一個ｄｉｖｅ時ｄ水好混濁，上水時一頭撞到落隻白炸度，到痛時先發覺後頸已中左招，兩三條"海哲"有視線內出現．．．　

雖然到今日已經唔痛，但係條疤仲未消失．．　小心白撞．．　真係有根有據．．

上月尾終於忍痛買咗隻潛水錶SUUNTO D4，好貴，但係始終都有用．，今次第一次落水，要影張正相．

M1012587.JPG:

Blogged with the Flock Browser

Ｌａｓｔ　ｓｔｏｐ　．　瑞士

2008-07-01T10:15:00.001-07:00

Ｌａｓｔ　ｓｔｏｐ　瑞士

因為寄失行李，所以係瑞士無掂過ｄ汽球，但係都影左ｄ風景相，當地環境，風景好，空氣又好，真係無得彈．

係回程時，多得身邊位女士Ms.Marion 借個位比我窗口影左ｄ雲海相，唔該哂，係度都希望佢個澳洲祝壽之旅開開心心啦．

返到香港ｌｕ～～

呢個係今次ｔｒｉｐo既相，有興趣就ｃｌｉｃｋ入去睇睇啦，不過係ｐｒｉｖａｔｅ　ｌｉｎｋ，想ｃｏｐｙ　ｌｉｎｋ要知會我．

20080621_Europe_TripPhotos

Blogged with the Flock Browser

Untitled

2008-07-01T09:54:00.001-07:00

Blogged with the Flock Browser

新加坡　公幹之行二(完)

2008-06-22T19:32:00.001-07:00

新加坡　公幹之行二(完)

又係遲到o既日記錄 ~~~

三天的會議，終於結束了，原以為最後一天可以抽兩三個小時，於晚飯時間逛一下唐人街，可以稍為觀光一下，但結果，是晚上吃杯麵，十二點收工時才去食宵夜。

第二日早機，所以大清早便離開酒店，六點半已到機場ｃｈｅｃｋｉｎ，之後，開始買手信嘞．．　哈哈．係機場，又貴又ｃｏｍｍｅｒｉｃａｌ，所以只係買象徵式一兩份食物比公司同事，有ｄ覺得浪費左個ｔｒｉｐ，但做野緊要，呢個先係主菜．其他事都係次要咯．
下次仲有機會．　ｈｏｈｏｈｏｈｏ．

今次係第一次到新加坡，只係略到見過下，但感覺都幾好，最緊要係言語溝通到，暑假揾個機會同屋企人去新加坡行下先．

Blogged with the Flock Browser

ＬｅＭａｎｓ　白色驚嚇

2008-06-21T10:58:00.001-07:00

ＬｅＭａｎｓ

晚上十點半終於到左Ｐａｒｉｓ嘞，經過三個小時車程終於去到目的地”ｌｅｍａｎｓ里昂”，ｃｈｅｃｋｉｎ時間係凌晨兩點鐘，天呀！！　第二朝一早要出門口．．　唉．

入到酒店房之後，當然望下窗外面ｏ既景色啦，點知一開窗就見到條個白色o既物體係外面”呢”埋～～　

定一定神之後～　睇落個樣都唔係太可怕．．　
但三點幾鐘，ａｎｙｗａｙ都係第二朝先睇過啦～～　

第二朝目訓醒，睇睇個窗口，唔見咗條蟲之餘，仲見到一隻蝴蝶係外面添～～～　吃吃吃～～　
不過原過外面係一間學校，所以七點幾就嘈到拆天咁，嘈醒我．　

出門整返張大合照先啦～～　

當日天氣唔係太好，多雲．

Blogged with the Flock Browser

Ｌｉｓｂｏｎ走貓記．．．

2008-06-19T15:38:00.001-07:00

Ｌｉｓｂｏｎ

前一日係英國唔見左隻企鵝，一落機就揾唔返，今次隻衰貓係Ｌｉｓｂｏｎ第一晚就玩失踪，尋晚揾咗成晚, 隻衰貓原來”呢”咗係個窗口度睇風景，哈哈，終於比我捉到佢嘞！

係ｕｋ　ｐａｄｉｎｇｔｏｎ連影相時間都無，更加無時間揾隻企鵝．．．．　呢次算隻貓仔好彩啦，有得上吓鏡．

（因為無心型波，所以只係圓頭貓咋．．．．．）

希望係下一站可以見到ｄ得意野啦～

Blogged with the Flock Browser

母親節，決戰長腳蟹．

2008-06-04T00:07:00.001-07:00

遲到o既母親節ｐｏｓｔ．．．　遲咗成個月喎～～　
係，因為無咩時間打ｐｏｓｔ．．．　所以都係一個藉口，懶．

今個母親節無出街食，因為撞啱大佬生日，所以一齊攪．佢煮．　ｈａｈａｈ～～　咁今次我出料啦～～　

呢日中午就已經返到屋企ｌｕ～～　為咩～？打仗囉，要攻打四方城．．　哈哈．．　

ｏ個日都幾嚇人，開飯前，打咗４圈（好似八，不過唔記得）．．　贏咗３底幾，輸少少食下大牌，結果贏３底幾；　但係到晚飯之後，再繼續開場，今次仲犀利，講都唔信．連輸足四圈，收場時輸咗２底左右．．　即係４圈內差不多連輸５底，勁呀～～　不過都係自己人玩下，輸贏無計啦（阿Ｑ精神）～～　

ｏ個晚，我個妹係大贏家．．　

開飯時間～～　好好餸呀～～　

今次買咗隻北海道長腳蟹鮮，一包大大隻，急凍鮮帶子，好味～～～　

隻隻５～６ｃｍ大隻～～　勁勁好味～～～　

蟹仔出場～　正嘛～～　

經過多翻戰鬥，終於打贏咗－－－＞隻長腳蟹嘞．．

　

但係．．　中毒咗～～　長腳蟹上身～　嘩嘩嘩～～　

一轉個頭嚇下亨利媽．　嚇親佢添～～　ｈｅｈｅｈ～～　

呢晚成家人都食得好開心，雖然貴咗少少，但係都好值得。　等我下次再攪多次先～　：ｐ

之後知道原來亨利媽ｄ戲都有返咁上吓，因為佢叫我地影快ｄ，話個”驚嚇”反應唔可以做咁耐喎．．．　

媽．妳真利害，佩服．

Blogged with the Flock Browser

新加坡　公幹之行－

2008-06-03T10:46:00.001-07:00

是日晚餐

到咗新加坡兩日, 過黎純粹開會，所以無時間四處逛下．．．　好慘～～　但係好彩ｄｉｎｎｅｒ有ｄ同事出外食餐好o既．

尋晚同同事出咗去一個叫"路巴撒 (Lau Pa Sat)" o既夜市大排檔開餐, 幾個同事一齊食dinner都幾free.

無帶相機, 所以無影到相. 但係d燒烤, 小菜都幾好鑊氣, 好正, 所以有人到新加坡都幾值得推介, 地鉄行五分鐘(不過唔記得咗地鉄站名:p)。

今日去咗海邊, location 唔記得, 不過o個度出名係食蟹, 一連幾間食肆都係食蟹出名, 我地幫襯咗一間叫”長堤（ｌｏｎｇ　ｂｅａｃｈ）”o既海鮮店。　好辣，但係好好食．

叫咗個套餐．都唔知咩名．　
有個黑胡椒炒大螃蟹．

一個係”加吔”炒蟹

脆皮蝦，但估唔到脆ｏ既係指龍蝦，竟然隻龍蝦個殼係脆o既，第一次食龍蝦會食到連腳連殼都食埋．．　勁呀～～　不過ｈｏｎｅｓｔｌｙ．．　非常非常熱氣．．．

　

ｌａｓｔ　個甜品，　係ｐａｃｋａｇｅ包咗ｏ既．　
係一個芒果布甸，幾ｃｒｅａｍｙ，但就好特別咁用個玻璃樽盛住，中間放咗ｄ乾冰，所以個樽中間係白朦朦，氣係中間漏出黎幾靚．

Blogged with the Flock Browser

．服務後感．四川７．８級地震賑災籌款．

2008-06-01T01:37:00.001-07:00

．服務後感．四川７．８級地震賑災籌款．

７．８級地震，從當晩／奕日的搶報，開始感受地震所帶來的恐怖．．．．

知道事情的嚴重性之後，相信自己所協助的義工團體應該會接到招募的呼喻，在網上守候著，果然奕日已經收到招募的通知，因其中一天有約，所以只報了一天的募捐活動。

當天，到了中環區幫手，因當日為週末，而之前的多個工作天已經出現了大大小小的賑災籌款，所以不敢擔保市民的反應。但只是一心希望儘多一分力去幫助災民，為他們找多一分支持．

但到了當天，真的很多謝每一位善長人翁的捐助，他們的每一分一毫，都是對災民的幫助，對他們的支持。

"多謝，我捐助啦．"　
"多謝多謝，真係好多謝你呀！"我衷心的送上一句祝福．

"不如妳比小朋友捐呀"
"都好呀，ｘｘ你放入去啦"
"多謝，多謝你呀小朋友"
"o拿，你睇下哥哥點做，下個星期就要咁做喎。"
"哦！"　"ｅ？小朋友下星期幫手義賣呀？"
"下星期佢幫護幼會賣旗籌款呀"
"咁比心機喎小朋友！加油！"
"o你記得哥哥點做，下個星期就要學下啦。"
"ｂｙｅ　ｂｙｅ！"

"你好，今天我是四川的災民籌款的，你可以幫助一下他們嗎？"（國）
"我過來的時候已捐過了，但再捐也未關係吧"
"謝謝，謝謝，真的謝謝你啊！"
"不用謝啊，應該是我們多謝你們才對。"
"不對，我大家也是一伙的，出一分力也是應該的！"

好多謝每一位善長人翁，真的多謝你。

希望我們的幫助，可以比災民多一點點的支持．

．我們有一個祖國，叫中國．是我們的．

Blogged with the Flock Browser

．服務後感．努力的一天．緬甸風災街頭募捐籌款．

2008-06-01T01:11:00.001-07:00

．服務後感．努力的一天．緬甸風災街頭募捐籌款．

佛誔假期當日

"你好呀先生, 我地係xx會o架, 請要你有興趣幫助一下緬甸風災o既災民呢？"

"你好呀先生, 我係ｘｘ會o既義工黎架，今日我地同緬甸風災o既災民請要你有興趣幫助一下緬甸風災o既災民呢？"

"我係ｘｘ會會ｏ義工，今日幫緬甸風災災民籌款ｏ架，希望你都可以幫下佢地。"

"哦，ｘｘ會呀，ｏｋ。"

"我捐左啦。"

"我無興趣"

"都唔關我事"

"．．．．．"（一路望住你，一路繼續走）

"．．．．．"（你睇我唔到，你睇我唔到，沿捐款箱五尺半徑範圍游走）

"小朋友，多謝你呀，多謝哂，拜拜！"

"．．．．．"（目光變成呆滯，扮聽唔到你叫佢，－路走．．．．．）

"風災ｏ架，你等我揾個銀包出黎先呀。"

"．．．．．"（一路"掘"住你，一路走）

"唔好意思，我趕時間"

最痛心係一次，當離開時，聽到有人係背後講："痴線"

以上對白，係o係佛誔假期當日有幸擔當一名義工於街頭募捐時，所見所聞。

一句句的說話，聽入耳內，有開心，亦有唔開心，企咗六個小時，個籌款箱有大半滿，雖然自己已經捐咗，但係都希望其他人都好似自己咁樣諗，食少餐飯，或者外面食飯時叫少個餸已經係返度，但係偏偏就唔係太多人願做，以成功率計算係２０～３０：１，當然捐錢呢樣野，絕不是"老馮"，更加視乎自己有無能力同有無多餘錢，所以多多益善，少少無拘係一個口號，更加係一個格言，量力而為係重要。

但自己最唔開心o既，係一ｄ涼薄o既說話（如：痴線），幫人之前都應該量而為之，所以幫助與否完全出於自願性質而非強人所難，所以唔捐唔緊要，況且做得街頭募捐預左有失敗o既，但只係幫人啫，點解有ｄ人要咁涼薄？

其實，若果捐左的話，只要一句"我捐左啦"，咁就可以，而我自然會大大聲送上一句"多謝你呀！真係多謝哂你！"然後會自動走開；唔係因為自己收唔到而寸人，而係真心的講句多謝，因為佢已經做左一件善事，我只係講多一句多謝，做善事的人開心，自己又無蝕底，可樂而不為呢？

但有時交得個心出黎，並不等於別人接受。

．心，很痛．

若果有一日佢知道災民中係自己o既親人，咁大家仲會唔會咁（當然這完全沒有詛咒的意思，只是打個比喻）？　呢個問題，係當日下午六點仍未有答案。直至－奕日．．．

．後感．

平時見到街頭募捐，賣旗之類，若有閒錢的話都會停步，但若買"幫襯"之後再遇到其他義工，都可能蹺而行，甚或趕路時會視而不見（當然唔會一路"掘"住班義工啦），所以今次活動，真的感受良多。

之前幫手做義工數次，但均以團體活動或探訪活動居多。而今次，係中學賣旗籌款之後，第一次以籌款義工身份幫手，但今次自己身在義工崗位時，終於感受到慈長們的凌厲目光，在對方迴避自己；避免和自己的目光接觸。種種感覺直接影響左自己當時既情緒，反問自己，捐左錢咪算囉，點解仲要出黎受氣？自己捐多ｄ咪補返條數囉。一個人在街上募捐時，諗到呢點都有ｄ失落，幸好，一班義工朋友不時會互相走位，來回間為同伴打打氣！加加油！感覺輕很很多。

士氣，有時係要打下既。　今次活動得着最大的其實係自己，因為終於以義工身份，感受平時所給予的壓力了，現在，真的很佩服街上在日曬雨淋底下的籌款義工呢，他們的行為十分令人佩服。相信自己在街上再遇到，我必定會對他們更有禮貎。

"我捐咗啦．．．"

小插曲，當日差不多五點時，係女朋友處得知當日下午二點多曾於四川發生７．８級地震，但當時自己身在街上，女又只在網上看到翏翏數字的新聞，所以自己不以為意；到晚上７七時許，收到新聞短訊說温總已經飛抵四川災區，十分驚訝，很快，驟然想起７．８級地震，當中所相等於的破壞力之巨．．．　

突然，想起了中學時所讀過我"唐山大地震"。

Blogged with the Flock Browser

癈墟中的兒歌：　兩隻老虎

2008-06-01T01:00:00.001-07:00

癈墟中的兒歌　任思雨

兒歌的背景，總是以歡喜／温暖為背景，但這一首歌，卻是一首從災場中一位被瓦礫壓着的小女孩所唱着的歌聲．．．

”爸爸說過，痛的時候，唱這歌之後便不會痛了。”　所以，那天她唱起這首歌了。

兩隻老虎　兩隻老虎
一隻沒未有耳朵　一隻沒有尾巴
真奇怪　真奇怪

但那天她唱起了這首歌，所為的，非因自己痛苦；而是那些人，是那些焦急的救援人員，他們找到了思雨，看到她，碰得到她，但偏偏救不到她，因他們移不開壓著她的水泥板，他們焦急得開始失去了冷靜．．．．　

直到，小女孩唱出她的歌，他們冷靜了下來．

小女孩最後已經被救出正接受治療，但這首歌．．．　

仍在流傳．．．

Blogged with the Flock Browser

．三十年後，再次震醒了全中國人民．

2008-05-13T11:12:00.001-07:00

十多前年前，看到一本唐山大地震，當中記錄了當年的唐山大地震事跡，經過多年重建現在已經回復的不錯，但想不到，今天，這個７．８級地震又震醒了中國的人民．他們．極需要栛助．

說真的，真的真的希望中國可以富強起來，非指富有，而是指國民自強！　但最最基本的希望是”人人有飯開，人人有書讀”，咁樣中國始終都會有富強o既一日。但尋日，上天又加多了一道難關比我地o既同胞．．

大地震至今超過廿四小時，今天晚上，超過萬人死亡，受災人數人數更加不計其數，震央的情況，更可以說是”移為平地”黎形容．．．　先有早幾月的雪災，半年未夠，又來一個７．８級地震，究竟中國幾時先可以平平安安？　

尋日下午兩點幾, 自己正身處尖沙咀替救援機構做義工，為緬甸o既風災災民籌款，自己係街上募捐時，可能反遲鈍所以身在街上都感覺唔到，到四點收到女友電話時才知道事情，當時，聽到”７．８級”都好愕然，到晚上開始聽到新聞報導時，方開始感受到這一”震”的恐怖。晚上，已經聽到温總的”即時行動”到場做總指揮，這個總理，我的沒說話好講；但再看下去，災情之嚴重．．　真的想不到這麼樣子．

今日到晚上，新聞不停更新，沒有驚喜，只是災情／傷亡數字的不斷更新，心越跌得沉．．．．．　

既然宣明會同緬甸風災籌款，尋晚知道之後都預計會有一個緊急召集，今日都接到ｏｒｄｅｒ，可恨今個星期咁橋有約唔可以兩日的出席，但都報咗星期六下午o個場，希望到時可以得到你／妳o既支持！

宣明會「四川地震救援」2008年5月14 - 18日戶外籌款活動
目的
       呼籲市民即時踴躍捐款救助四川地震災民
場地
       尖沙咀地鐵站A2出口對出行人路 (尖沙咀彌敦道與堪富利士道交界)
       中環萬邦行 (近中環地鐵站D1畢打街出口)
當地以上兩地方都會有宣明會O既義工在現場募捐，我自己都會係ＳＡＴ中環募捐．

而各機構都設立熱線及直線捐款戶口給予災民．
各機構查詢熱線及網址：
香港世界宣明會：23942394（ http://www.worldvision.org.hk/appeal/Sichuan/emer_frame.html ）
救世軍：27832333（ http://www.salvation.org.hk/Chinese/index.htm ）
愛德基金會：27238011（ www.amityfoundation.org.cn ）
國際慈福行動：21505018或21505029（www.obhk.org）

轉載：明報新聞
汶川縣逾 2 萬 4 千人失聯　北川縣或 7 千人死亡

四川省汶川縣 7.8 級地震發生後，區內交通及通訊中斷，加上天氣惡劣，救援人員嘗試從水陸空三路趕往災區，當地 3 個鎮超過 2 萬 4 千人失去聯絡。

另一個重災區北川縣可能多達 7 千人死亡。北川縣城四面環山，強震令大量山石塌下。

四川地震災區死亡人數增至 12012 人

2008-05-13 HKT 23:50
國務院抗震救災指揮部消息：據不完全統計，截至晚上 7 時，四川地震災區死亡人數增至 12012 人， 9404 人被廢墟掩埋， 7841 人失蹤，收治 26206 人

Blogged with the Flock Browser

咁橋呀？

2008-05-10T11:44:00.001-07:00

ｅ，小姐，咁橋一齊著襪呀？

．．．．？　係呀．．．？你講咩呀？　你傻左呀？

咩呀，唔比呀．．．

(高舉電風扇）呼呼呼（跑步狀），好似奧運傳聖火咁呀，　似唔似呀？

唔係呀，你另一隻手要揮手先得架，仲要笑o架。

咁呀，宜家唔得呀．．　（右手高舉電風扇﹑左手高舉揮動﹑笑住揮手）

你個樣好傻呀．．來來來，同你影張先呀．．　

ｅ．．　我先唔會比妳影呀，才不會這－麼笨（國語），我只係傻但唔係笨。　

比妳試下?。

（高舉電風扇）呼呼呼（跑步狀），似唔似呀？　

傻o既，咁大個人係度份傳聖火，哈哈哈

你！＠＃＄＆｜－＋”／＠＃回心

Blogged with the Flock Browser

尖機上市 SHARP SX862 (SoftBank920SH)

2008-05-08T09:20:00.001-07:00

等咗好耐～～　終於等到我個夢寐以求ｏ既尖機（ｄｒｅａｍ　ｍｏｂｉｌｅ）啦！！

Smartone-Vodafone Sharp SX862

呢部機舊年去ＩＴＵ時已經見到個日本版～～　之後見到有台灣版都上咗市，但係就遲遲唔見香港版出現，水貨係半年前已經開始流入香港，大約三千三～三千六不左右，而香港行貨一直未見影，但流傳要六千幾，今日睇報紙終於見到啦～

今晚有幸放早咗ｄ，順路住落ｓｈｏｐ問下幾時到步，一到就發覺原來已經到步有得賣！！！

即時走去玩下部機同問價，不過睇到個價，唔駛六千，不過竟然要＄５６８０～～　天呀！！　客戶價都要＄４１８０，仲要撘一個”無限上網”（＄２８）+”＄３０　ｉｎｔｅｒｎｅｔ增值服務”　（即係每月多＄６０）．．再天呀～～　好明顯係”略”我地呢ｄ餓鬼啦．．．．　
玩完部機之後．．　算吧～～　橫豎都等咗咁耐，再過一點時間之後才入貨，希望價格會回落一點吧．．．

（原色有四隻，不過香港現只有黑／銀雙色）．．．
　

相關ｕｒｌ：
Smartone-Vodafone Sharp SX862
Sharp 920SH 電視手機強勢推出
http://www.smartone-vodafone.com/jsp/phone/tchinese/detail_v2.jsp?id=898
Sharp SoftBank 920SH GSM 三頻 WCDMA 手機
http://hk.phonedaily.com/news/?news_id=5347

Blogged with the Flock Browser

扭波波中班 class V / IV

2008-05-06T11:15:00.001-07:00

尋晚上完堂，一次過連上堂o既相都ｐｏｓｔ出黎啦～～

扭波波中班 class V

今堂只係學咗兩隻新野～～
豬仔～　（我專登做隻粉紅色）

大嘴鳥呀（頭冠）～～　

扭波波中班 class IV

惡蚊


山羊，仍要努力～～～　

咪走雞呀　（彩雀頭冠）～～～～　

其他師兄師姊做咗ｄ美人魚同鴨仔添呀～～

Blogged with the Flock Browser

屯門三聖邨海鮮晚宴

2008-05-05T04:08:00.001-07:00

活動資料

日期: 3-May-2008 (星期六)
地點: 南記海鮮飯店
地址: 屯門三聖村熟食亭地下5號舖
link: http://www.openrice.com/restaurant/sr2.htm?shopid=8500
必食推介: 芝士"趣"焗龍蝦

早兩日跟完義工服務，同團友去咗屯門食海鮮，多謝副會長介紹呢個咁正o既地方 !!　埋單每人二佰蚊，不過好抵食．

個推介o既芝士脆焗龍蝦真係好正.

人黎，去片！！　先來一客!!

[/url][url=http://s58.photobucket.com/albums/g253/Porker666/CarsonFriends/?action=view&current=20080503_CF_SanSaint_SeaFood_038.jpg]

又係龍蝦的話，真係有ｄ悶，不過都仲想ｐｏｓｔ多次，因為太好食嘞～～～～
Wakakakakakakaka~~~~~

其他團友或者可以慢慢食，但對於我黎講，都無咩儀態可言，好味呀！！！！　
（有時唔快手食，無手影唔到相就唔係咁好啦．．)

啖啖肉，連條蝦尾都脆到食得到．

細細碟蝦仔～～～　都唔細隻o架

大廚，南記飯店．

豉椒炒聖子，唔算大隻，不過好味．

清清地，蒜茸蒸扇貝；　同蒸絛班仔．

呢ｄ係湯渣o黎o架．．．相入面同碟面咁大隻瀨尿蝦，只係要o黎煲湯咋　

當晚仲有魚香茄子／咕嚕肉／鹽焗雞等等．．．．

埋單二佰蚊，好低食．

甜品

之後去咗波記食甜品，"即撞豆腐花"果然好滑好好味．推介！！
（當時相機無電，遲ｄ收到相再ｐｄａｔｅ）

Blogged with the Flock Browser

向日葵相機下的向日葵

2008-05-02T20:35:00.001-07:00

攝於: 深圳華橋城

Blogged with the Flock Browser

支持奧運聖火傳送.... 紅色貼紙

2008-05-01T23:25:00.001-07:00

今朝一早浪費咗六蚊雞呀陰公~~

浪費o既原因........

係因為免費報紙已經派哂, 所以買咗份蘋果....

點知佢只係送咗張可口可樂迎奧運o既貼紙.. (白色)...........

未完呀~~~

到office,想打開份報紙揾下紅色貼紙時~~~~

有另一個女同事拎咗張未貼o既比我... 話佢有四張... 尋日會所派o既~~~~~~~~~~~~~~~~

你話.....

係唔係浪費六蚊雞.... wuwuwu~~~ 今日一定要睇哂兩份報紙佢~~~ eeeeeeeee

最後, 有個同事著住件紅tee走埋黎. 話張白色LABEL襯佢紅tee仲搶眼.....

於是.................我比咗張價值六蚊既貼紙佢. 因為張白色襯落紅, 仲好睇.

ｗｕｗｕｗｕｗｕｗｕ．．．．　　
（其實... 我係專登買張貼紙比佢o架．．．．　哈哈哈．．．阿Ｑ精神自愚中）

人家因為無紅衫專程揾張貼紙, 竟然落得如此下場...

不過仍然係一心向中國 ~~~

Blogged with the Flock Browser

義工活動〔安徒生會【悅讀花園】嘉年華會〕+ 豪華包場ＢＢＱ

2008-04-27T01:34:00.001-07:00

義工活動〔安徒生會【悅讀花園】嘉年華會〕

尋日參加咗ｃ＆ｆ有份幫手o既義工活動〔安徒生會【悅讀花園】嘉年華會〕，幫手做話劇o既場務同扭汽球，今日好似係我地團紀錄以來最多人一齊扭汽球o既一次，足足十幾人一齊扭比ｄ小朋友，仲要加埋部份人維持秩序，真由未開場扭到場完場未停過，一路無停過，扭到手都指都攰哂，埋尾時仲差ｄ因為手指太攰打唔到結添～～

左）借o左話劇o既道具黎影相．．　好鬼得意～～～　
右）超巨型波鞋道具（可以同身邊個小朋比較下，足足半個成年人咁高！）

亦都見到不少要求好高o既小朋友，遇着一ｄ麻煩o既，真係想一腳掃佢走（好認真o架）；我地一早預ｏ左ｄ小朋友唔易招呼，不過諗唔到咁五花八門，有遇到ｄ攪時，過份精靈o既，真係唔無知好嬲定好笑；
１）先遇到一個唔刁鑽都唔要，如要雞，鴨，鎚仔（未整過但應該可以即場整一個簡單版，之不過顧及全問題，ｓａｙ　ｎｏ），機關槍唔要，一定要手槍，再寸多句：”咩都唔識，咁你識ｄ咩呀～～”，真係想一句伸走佢。

２）再遇一個，只係企係度微笑，要咩呀，　〔唔知〕　鍾意小動物定其他？　〔唔知〕　咁馬騮／兔仔ｘｘｘ．　呢？〔唔知〕（我呆哂）　　咁機關槍好唔好？　〔．．．．．．點頭〕跟住好快手咁扭比佢，佢又係微笑一下咁離開．　真係一額汗．．．．　

３）另外身邊個義工問個小朋友要咩汽球時，個小朋友只係一個要求　”消防喉”　，呆哂．．．　真係唔知扭條咩比佢好～～～　

但講真，大部份普通o既小朋友，見到佢地開開心心咁拎住個氣球，有好幾個小朋友唔駛家長提醒，一收到個氣球時就對住你講句”多謝”先走，已經好開心，所以攰都值得　！！

呢個小妹妹好有禮貌，一收到個氣球就已經講"多謝"．．　走時仲轉身講多句先走，真係攰ｄ都值得。

總結：今日成日都玩得好開心~~ ！！！

夜晚，ｊｏｉｎ埋義工團o既ＢＢＱ活動，之前聽到我地當中有隱世高手廚藝一流，　果然名不虛傳！！　
全晚ｂｂｑ食極都有，連燒大蝦／銀鱈魚／大大隻鮮帶子都有．．　但全晚食物只係一佰大元，又好味又抵食！！　有下次機會，一定再ｊｏｉｎ～～　

自家製．安格斯牛柳條，　好味道！

我地廿幾人要三個爐，咁ｑ又啱啱好，十足包場一樣！！　〔山下面o既朋友，你地好！！〕

我地去咗機場核心工程展覽中心旁的燒烤場，所以個ｖｉｅｗ都算ｏｋ，手痕影o既風景相：

Blogged with the Flock Browser

扭波波中班 class III

2008-04-22T10:57:00.001-07:00

扭汽球中班第三堂嘞，，　遲到成個鐘o既一堂，不過比缺席好一點．．已經放棄咗七點半準時既希望．．．
今次只係學咗兩個新款，同練習以前學咗既部份．　

臘腸狗

大苯象(仔)

e.t 外星人呀..... 好兇狠~~~

e.t 外星人呀..... 呢個慈良ｄ　ｄｏ住個嘴咁 ~~~ 不過比佢襲擊~~ 捉到實.... 哈哈


本來仲有頂皇冠，　不過未未影相，就比我改裝咗做外星人件披肩．

上堂個未記錄, 今次ｐｏｓｔ埋啦，上次學咗機關槍，弓連箭，好過癮～～

機關槍，我扭得唔係好似～～～　

仲有枝弓同箭，可以發射到箭o架

Blogged with the Flock Browser

支持！！少吃肉，幫地球降温．

2008-04-21T21:52:00.001-07:00

4/22地球日‧大家來宣誓
生產1公斤的肉=排放36.4公斤的二氧化碳
1人1天不吃肉=減少7公斤二氧化碳排放=1顆大樹(20年生喬木)半個月的減碳量

《緣起》
2007諾貝爾和平獎得主聯合國氣候變遷科學研究小組領導 ─ 帕卓里在巴黎記者會上公開指出：『不吃肉、騎腳踏車、少消費，就可以協助遏止全球暖化。』這個新聞震撼全球，也讓許多人認知到：原來選擇素食，是間接遏止全球暖化，幫助了地球。

因此，素易藉由國際性節日「4/22地球日」的到來，也趁著11周年期間，全力發起素食環保活動，以「少吃肉，幫地球降溫」為主題，並不是要大家都變成素食者，而是希望所有民眾減低生活中肉類食物的比例，即使是一天，也足以影響地球！

但是，要如何讓更多人參與呢？這就需要你我的起身行動了！只要每個人都能化身為一顆「種子」，把素食的重要性傳遞給親友，10萬個村民，就有可能影響100萬人、甚至1000萬人...，即使只是一餐少吃一塊肉，都能拯救地球！
　
《什麼是種子？》
「種子」的意義，簡單說，就是要散播！為了「自己」而吃素的人很多，卻少有機會號召身邊的親朋好友來響應。其實，「不吃肉」對整個地球是有幫助的！希望從這個活動發起以後，大家都一起來當「種子」，把這個愛地球的好方法之ㄧ：少吃肉、主動地、積極地「散播」出去！今後，每天都可以大聲對朋友說：少吃肉，幫地球降溫喔！

我支持！！　儘量食少ｄ肉，順便當減肥，哈哈哈

suiis 素易「少吃肉、幫地球降溫」素易種子行動

suiis 素易-全球素食網 - 『少吃肉，幫地球降溫』

Blogged with the Flock Browser

笑爆：　現貨供應　金象牌泰國香米 5 公斤

2008-04-21T05:35:00.001-07:00

今日收到個好攪笑ｏ既ｐｏｓｔ，係一個ｂｉｄｄｉｎｇ　o既　ｈｉｓｔｏｒｙ，　記住一路睇鬥到尾，笑爆！！

雅虎香港｜ Mail ｜搜尋網站搜尋

拍賣 > 居家生活 > 飲食 > 其他

現貨供應金象牌泰國香米 5 公斤

賣家資料

賣家(信用評級)： ABC2008(18)

正面信用評級百分比：90.91 %

賣家的其他拍賣 (1)

賣家的自我介紹／信用評級與意見

詢問賣家 (15)

拍賣品資料

最新叫價： HKD 70.00

剩餘時間：已經結束(倒數計時器)

拍賣品數量： 1

開售價： HKD 70.00

每口價︰ HKD 1.00

商品新舊：全新

地區︰香港

開始時間： 2008-04-XX 23:24

結束時間： 2008-04-XX 00:47

拍賣品編號： bxxxxxxx

運送費用：郵寄掛號 HKD 100.00

發問者問題或意見日期

問題1

ran2****** (6) : 甚麼地方交收？你有多少數量？　2008-04-05 16:57

答覆

ABC2008(18) : 大量, 屯門區交收2008-04-05 19:42

問題2

rc2**** (7) : 入面有幾多粒米? 2008-04-05 18:09

答覆

ABC2008(18) : 你有冇電子磅? 有既睇下一米幾重自己除一除啦2008-04-05 19:41

問題3

rc2**** (7) : 冇喎,你計到有幾多粒 2008-04-05 20:50

答覆

ABC2008(18) : 我估點都有1万以上! 2008-04-06 00:01

問題4

2008-04-05

rgt2**** (79) : 有無金鳳米呀? 22:20

答覆

ABC2008(18) : 有呀!都係70蚊! 2008-04-06 00:01

問題5

rgt2**** (79) : 咁有無雙羊白搭米呀　2008-04-06　00:07

答覆

ABC2008(18) : 有丫!糙米白米紅米都有呀! 2008-04-06 00:11

問題6

rgt2**** (79) : 唔知雙羊白搭米可唔可以搭意粉呢?其實你有幾多貨呢?因為我想開一間西餐廳　2008-04-06　00:12

答覆

ABC2008(18) : 搭通粉仲好呀! 我D貨多到開酒樓都OK架2008-04-06 00:13

問題7

rgt2**** (79) : 唔好,你咁西...洋化.....岩晒開西餐廳啦,開酒樓浪費左你既天份 2008-04-06 00:15

答覆

ABC2008(18) : 你係咪買架2008-04-06 00:16

問題8

hb_****** (無) : 呢排唔係好夠錢我可唔可以剩係買20粒 20粒幾多錢? 有冇直接bid價 2008-04-06 00:17

答覆

ABC2008(18) : 你班膠登仔唔好阻住做生意喎:o) 2008-04-06 00:19

問題9

rgt2**** (79) : 我多口吹下水姐,順便格下價,其實我教你一條一本萬利既好計.你將d米

一粒粒咁種,假設一粒米生多十粒出黎,你一百包米就變一千,一千就變一萬,如此這般去到一兆

包,你仲唔發達?

2008-04-06 00:19

答覆

ABC2008(18) : 咁我2千万賣一包俾你啦,可以賺一兆包番黎架2008-04-06 00:20

問題10

4cm***** (無) : 有冇谷牛賣?我個女想養^^ 2008-04-0600:20

答覆

ABC2008(18) : 金香牌就有谷牛, 有谷牛貴5蚊2008-04-06 00:22

問題11

4cm***** (無) : 今可唔可以買谷牛送米?谷牛5蚊? 2008-04-0600:23

答覆

ABC2008(18) : 送條毛俾你就得, 送米我好蝕架2008-04-

06 00:23

問題12

lam_chi_***** (17) : 巴打，唔好上網搵圖咁無誠意，介唔介意影你個倉出黎？

2008-04-0600:29

答覆

ABC2008(18) : 影個倉出黎我怕天水圍班c9去搶呀2008-04-06 00:32

問題13

sam***** (-1) : 我想買一千包呀..有冇得平d?因為我間工廠有好多工人等開飯..可唔可以

叫fedix送黎..叫佢搵工場的張就得..2008-04-06 00:29

答覆

ABC2008(18) : 那一個張? 2008-04-06 00:31

問題14

im2h****** (1) : 我想問米, 邊隻米最岩用 2008-04-06 00:32

答覆

ABC2008(18) : 問米緊係金像啦方力申用佢黎問米架2008-04-06 00:33

問題15

louii**** (無) : 我想要酒米,你有冇? 2008-04-06 00:36

答覆

ABC2008(18) : 自己係鼻頭掘啦2008-04-06 00:37

提出問題（你提出的問題時只有賣家看的到，賣家可選擇是否回答，賣家回答後才會於頁面上顯示。）

（最多 250 中文字）

為保障您的個人資料安全，請勿填寫姓名、

電話號碼、地址或銀行帳號等內容，以免被

有心人士收集導致不必要之困擾。

提交問題

Blogged with the Flock Browser

再來一客　ａｍｅｒｉｃａｎ　ｓｔｙｌｅ

2008-04-18T22:45:00.001-07:00

上個星期，又有得食一個自家製ｏ既ａｍｅｒｉｃａｎ　ｓｔｙｌｅ．　好味道！！！

仲有花生醬添．．．．．

Blogged with the Flock Browser

中國警務幕牆，好新鮮！

2008-04-18T22:43:00.001-07:00

上次拍拖行過華強路時，下午行過都無留意，離開回程時係馬路邊發見到一個好似廣告牌o既幕牆，留心o的睇，竟然唔係買廣告，而係內地公安o既中國警務幕牆，勁！
幕牆ｏ既正中間，仲有一部ｌｃｄ電視不停播出警員執勤情況／片段，仲有不少警愓市民ｏ既片段同個人安全標語播出。
先不論個幕牆ｏ既作用或者效果大唔大，但係都覺得好新鮮。

Blogged with the Flock Browser

凌晨五時二十分：天還未光，只是巧合．

2008-04-13T03:03:00.001-07:00

晚上差不多三點，勞動了一整天，帶著懶洋洋的身驅，終於可以爬上床合上眼睡覺，最後一眼看鐘，唉，又三點四個字才睡，明第二日上班又無精神了．．．．．　

睜開眼看一看鐘，剛好四點二十，看著天花板，好像有些失眠了，四周還是漆黑一片，又再昏昏入睡。

睜開眼看一看手錶，剛好三點正，環顧四周四周漆黑一片，但從月光的照射和聽到的背景聲音，相信是在海邊的山上．．．．　

再度合上眼加快眼睛的適應速度，半分鐘後，終於可以看得清楚了。　

看來自己是一個人在山上，走了兩三步便到了一條約兩米濶長長的石階沿山岥而下，原來環境不錯啊，自己身處一個小山丘之上，單從月光反映，身旁斜對面向著海灣，不知和海邊的真實距離，但從海浪聲和海風的感覺，相信二～三百米範圍之內，但階梯旁的山岥沒有圍欄便開始斜下沒入黑暗中，所以不敢向海方向摸索了。

前方的階梯沿路而下，走了數級階梯，在斜坡和石階之間的草地拉闊了，再多走了一會兒，開始多了一些椅子連餐桌的枱子放好了放在路旁(正是快餐店常見桌子連著椅子的一類，桌子成長方形左右兩排各兩張椅子，桌子的方向，是橫放著讓四人也可以由旁邊看到海景，而人們只會背對斜岥或是下斜坡而不會背對向海)，風景不錯呢，心想，這兒看來沒有撐傘子的地方，但雖然如此，當是早上晨運或郊遊也一錯呢。

走了數分鐘，二十米外遠處看到有人坐著呢，而那人則是背對著月光，所以縱使她面對著我也看不到她的面貌，但看到長髮和較細小的身影，推斷是女性吧，雙手放在大腿上端坐著；凌晨三點鐘晨運，枱上不見有杯子或手提的行提包！？但無問題啊，可能老人家住在附近，所以一早出來吧．但看她一動也不動，也沒甚麼，心想在旁走過便算了；

當行近一點，才看到原來在下一層的餐桌佳了兩個人．一大一小像是母子（我猜想）的，她們背對住我坐着，小孩子坐在那個女子的身後，角度問題看不到身形，而母親側著身子像笑著的在餵小朋友進食，自己的好奇心驅使之後，有想走到前面看看這個小朋友的面容，所以一路行便一路注視著這對母子，差不多到擦過身旁時更轉過面想看一下面容。為什麼！　為什麼還看不到小孩子的面呢！？　原來．．．　小孩的頭髮長到蓋住面側了。自己嚇自己，只是被頭髮遮掩住了吧（：ｐ）。

但發現了一個奇怪的現象，兩人是卻動也不動，小孩子也看不到有動作，母親只是面帶笑的舉著手（在餵食般）卻沒有動。看到這個情境，自己心裡面多了一個奇怪的念頭，一個帶有寒意的念頭，為甚麼凌晨三點，一對母子會在荒山野嶺（現在想是荒山野嶺了）晨運？還在這個奇怪的地方進食，而且還定了格一樣？

想到這裡，自己便急急腳在身旁走過，不敢再逗留，再走了三四十級石階，便到了一個平地，在山上的三人還可以清見到？看一看手表，原來五點二十分了．，難怪天邊有點發亮，所以可以看山上的情況，回個頭，看到三人還在上山上沒有動：女人仍然背著我端住著；而另外兩人，母親親還是舉著手像在餵食，但現在看到了面容，原來她的笑容像是強擠出來，是苦笑著般；而那小孩子，終於看到正面了，但．．．前正面仍然是後面一樣被頭髮遮掩！清晰可見是長髮及面的整整遮蓋了正前方，基本上從後到前也分不出方向！！　

害怕了，拔腿就跑，見到分叉路有車在上路上走過，停下來回頭看看山岥上的情況，突然身後聽到了有人大叫：”仲望！？唔好望啦，上死過人o架！唔好望啦，快ｄ走啦！”，回過頭見到一個中年女人大叫之後在我身後走出來，擦過我身旁之後急急腳便轉身了不見了。心想：”不是吧”。

再回頭想看看山上的情況，一看之下，見到兩個全身鮮紅色粧束的小丑，以”之”字形左右左石從山上跳過來，三兩步間已經迫近身邊，自己還來不及比反應避開，小丑便衝到身旁，一左一右”橋”著我雙手，拖著我向後退走．突然之間眼前一黑！

再度睜開眼睛，看不到天花板而是床前的景象，原來自己已經坐在床上了，看看鐘，剛好凌晨五時二十分；天還未光，但全身都濕透了　．．．．．　

擦干了身之後，便再倒頭睡去。

奕日起床，原以為支力到死，但卻出奇地精神，很久也沒有這種睡飽的感覺，一開眼便起床，沖個涼洗面後便如常上班，但在山上第一眼看到三人時的情景，到現在仍是揮之不去。

直到三天前，才發現，原來那天晚上是清明節的前一個晚上。

發現了這巧合，卻更覺得這個巧合不是巧合，只是很笨，寓意仍然不明。

Blogged with the Flock Browser

SD高達模型展

2008-04-08T10:18:00.001-07:00

早幾日去咗睇高達模型展，係baidai自己攪，都預咗唔係太多o野睇，不過始終都心思思想去參觀一下。

今次主要sale 三國風雲，自己一般般不太留意，但係半身高o既sd高達真係唔小o野，好大隻呀!!

多o的相係下面個相簿

20080406 高達展

Blogged with the Flock Browser

呢舊係．．．．．．

2008-04-08T10:15:00.001-07:00

大家估下呢舊係咩

登登登登......

佢係一個放係東門o既可口可樂廣告牌

定係應該話係廣告樽呢？點解，因為個面係顯示屏呢o架，仲可以播廣告。

有幾大枝，自己比較一下個路人就知．．．．．　

Blogged with the Flock Browser

在網絡上看到的冷笑話

2008-04-06T00:47:00.001-07:00

兩個農家的孩子在聊天，一個突然問：你家的牛會抽煙嗎？另一個說：牛怎麼會抽煙？第一孩子：哦，那麼，也許是你家的牛棚著火了

上天在賜于我門青春的同時也賜予了我們青春痘。

你可以像豬一樣的生活，但你永遠都不能像豬那樣快樂！

一個初中生的英語筆記：爸死(bus)、爺死(yes)、哥死(girls)、妹死(Miss)、死光了(school)

一父親感慨兩代人之間的代溝：剛剛適應了兒子的長髮，他又剃了光頭。

Blogged with the Flock Browser

兩日洗費

2008-03-30T09:03:00.001-07:00

兩日洗費

$55
$40
$35
$65
$55
$40
$20
$150
$410
$277
$60
$198
$135
$186
$58

Blogged with the Flock Browser

漏水

2008-03-30T08:58:00.001-07:00

漏水

隻杯好似漏水架，唔知係唔係扭得要唔夠緊呢．

漏水，無理由架，我用過o個時都無事．

唔知係唔係扭得要唔夠緊呢，飲水時會係蓋邊漏水出黎，你要整返佢呀．

我上次裝過水都無漏喎．

但係我每次裝熱水時都有漏水喎．

呀，會唔會妳扭蓋時蓋上左個飲水口呀，妳上次用我隻杯時都咁嘛．　裝熱水扭蓋時打開飲水口先，唔係的話就會係條邊度噴返ｄ水出黎架．

唔係喎，都係漏喎．．．．　ｅ．．．　點解？．．．．　　　呀．．．．　無事?．．．．．．
．．．．．．
．．．．　我又傻左?
．．
．　

又宜家ｏｋ咪得囉．

哦．

咩事啊．

2008-03-30T00:30:00.001-07:00

喂，咩事啊．

咩啊，打電話比妳囉，唔得呀．

呀，無事無事．．　

Blogged with the Flock Browser

叉電！

2008-03-30T00:26:00.001-07:00

向日葵向日葵，急事呀！急事呀！

咩事呀？

無電呀，叉電呀．
（良久．．）

向日葵向日葵，，叉電！叉電！
（良久．．）

向日葵向日葵，，叉電！叉電！

叉甚麼電啊！？這麼快？

凍啊，很快無電的啊！　要快叉來充電

（良久．．）

叉電！叉電！再來一個快叉啊，又無電囉。

你今天幹嗎？　這麼快無電．．　怪怪的．

不是怪啊，妳想想，那台舊相機在湖北這麼冷時，也是剛充滿之後，太冷了所以三分鐘便無電了．．．太冷了，很快無電的。

那和你有甚麼關係呢？

怎麼沒關係呢?　那台相機的電池有五年，充電後只可以剩下三分鐘電力；　我這身體，少說最少也有三十年的歷史，現在這麼冷，充滿電後用的快一點又有甚麼奇怪？

你！．．被你氣炸了．．．

Blogged with the Flock Browser

技術故障．．．．　　維修中．．．

2008-03-23T08:25:00.001-07:00

技術故障．．．．　　維修中．．．．　只維持有限度服務．．．

仍未可以ｂａｃｋ　ｔｏ　”ＮＯＲＭＡＬ” , 無底深潛中．．．

Blogged with the Flock Browser

扭波波中班 class II

2008-03-20T12:09:00.001-07:00

扭汽球中班第二堂嘞，，　遲到成個鐘o既一堂，不過比上堂缺席好一點．．　

時間所限，只係問波友仔上堂教咗咩，補返數，所以只係扭咗架電單車/眼鏡，同又試扭咗隻對情人鳥。

情人鳥：

電單車

綿羊仔


白雪雪眼鏡

落堂，清理汽球時不停地整爆哂ｄ汽球，果然係一個好好o既減壓方法。

Blogged with the Flock Browser

I can't breath !!!

2008-03-12T04:49:00.001-07:00

是日週三：已經開始潛水．．．

一星內多了十個project；
一個幫手遞o左辭職信；
ｓｕｐｅｒｖｉｓｅ多一個人　再撘一個超鑊氣o既ｐｒｏｊｅｃｔ要睇；
一睇就知係一個無底深潭．．．　
仲未計之前o既工作．．．　
點解忽然之間由十米水深．．．　一下子帶到落去四十米深，以經唔夠氣，宜家仲整多個深潛？？？　

呢個係咩世界！！　未來水世界呀？　無未來呀！！！　

唔駛以為，係，我真係傻o左，做到傻o左！！！

Blogged with Flock

德國行

2008-03-09T11:06:00.001-07:00

02Mar 23:30 上機，係候機區離遠見到舊同事，上機時發覺竟坐係自己前排，真係橋。
03Mar 00:20 起飛
03Mar 0100 消夜　羊肉加薯茸＋沙律＋好難食的蛋糕．
03Mar 睇電影”魔法奇緣”，
03Mar 0230 訓覺
03Mar 0730 起身，食杯麵．
03Mar 1000 訓醒，食早餐．america syle 呀！奄列＋德國小肉腸＋焗豆＋生果，今次都有海景睇，不過係o係部七寸電視機仔度睇，嘻嘻。
睇左後半集罪惡城市。
同睇蜜蜂電影Bee's movie
直到十二點抵達法籣克福frankfurt。
比原定早二十分鐘到，只飛十二個鐘。

到了火車，再坐兩個半小時才到Hannover無買咖啡飲，但係等車時發現自動售賣機，雀巢咖啡竟然比可口可樂平，咖啡$1,00，而可樂要$2,00。

上了火車，天未光無風景睇，行到一半時差不多天光才睇到地方，約兩個半小時後才到達漢諾威。

快手快腳咁沖涼洗面同早餐之後就即時開工做ｓｅｔｕｐ。第一晚完成後，仲出左去一間叫ｂａｕｈａｏｕｓ　o既酒吧食晚，正．

第二日發覺原來舊同事係同一間店度同開會，所以一日拄撞面遇佢地幾次，而回程當日，又係同一班機添，真係橋到離哂譜。

勞碌左幾日，除左第一晚飲左酒，勁支力，再加上時差關係目訓得好好，其餘三晚都未好目訓過，最後一晚，終於開始準備打包攪到０２先訓，一早０６爬起身，梳洗清場之後就七點開車去車站，終於開始回程咯，開心。

回程時，又係三餐一宿，但係ｄ戲就唔同左，今次睇左：野良犬，美女與野獸（後半集），玩具掌門人，同日落巴黎（Before sunrise，今次睇返前半集，不過無字幕）。

到步之後，返到屋企第一件事係目訓覺，之後，自然係round trip見返家人同女友啦。過都係有ｄ支力．．．相信要到第二晚先調節好。

因為此行為公幹所以都無咩影相，只係o係ｈａｎｎｏｖｅｒ火站影左兩張相咁，不過無所謂啦，將來大把機會。

Blogged with Flock

開始處理中，請稍後．．．．

2008-03-04T14:04:00.001-08:00

在這兒甚麼也沒有，只可以送妳一朵花，可以嘛?　

也記一下其他事吧．．．　

正宗德國咸豬手　同　雜錦大會


開始處理中，唔知有幾多返到香港．．．．　

Blogged with Flock

怪天氣

2008-03-04T13:50:00.001-08:00

今日好忙，所以最後尾都無去到會場睇ｓｈｏｗ，今日應該係最輕鬆既日子，但都係咁，睇黎今次都無咩機會去會場見識見識一下咯。

事源今日上午應該比較清閒，可以抽空一下，但當早上到會議室重新檢查時，發現大部份ｓａｍｐｌｅ都有ｏ的問題出現，左攪右攪之後，到中午先ｏｋ；但ｌｕｎｃｈ前忽然間個ｉｎｔｅｒｎｅｔ　ｎｅｔｗｏｒｋ　ｃｏｎｎｅｃｔｉｏｎ又死左，全部機即中時中招，揾人攪到兩點幾三點先ｏｋ，之後快手快腳重新ｓｅｔｕｐ返ｄ　ｓａｍｐｌｅ，就夠鐘開會，一直到五點，所以最終都無離開過間酒店，真係失敗。

聽日，我最少都要出去買ｄ野，ａｔ　ｌｅａｓｔ，都可以叫做出過去，安慰一下自己啦．．．．　唉．．　

尋日咪話下午時落左一陣間雹ｏ既，今日差唔多時間到，又落咗一陣間雹喎，十幾二十分鐘到，好似日日都落一次雹咁，好奇怪。

今日妳第一晚上堂，感覺如何呢？

Blogged with Flock

唔只係硬頸咁小兒科．

2008-03-04T13:39:00.001-08:00

臨行前整理行裝，發現．．．　一件好特別o既事，我係唔止硬頸，o的鬚都好硬。

為咩咁講，係o係想檢查一下個cleaner清潔得夠唔夠乾淨時，發覺原來自己o的鬚好利害，竟然連鬚刨o既刀片的整斷，犀利呀，影咗幾張相比大家睇下．．．．　

斷咗中間o個幾片：

個刀頭係雙刀片設計，睇返另一面o的刀片仲完好無缺o架

上下兩面一齊比較一下，清楚好多嘞：

Blogged with Flock

出發的前兩天

2008-02-29T05:54:00.001-08:00

即將起行了，第一次去這種形式的去公幹。這個星期工作上的忙碌，完全起超乎想像。但差不多到達ｄｅａｌｉｎｅ的時間了，再忙也要完成起行前的準備，逃不掉的仍是逃不掉，只可以延遲但不可能逃得掉，要抓緊時間！！！

預定一個星期的行程。機票去程已定但回程未定，仍在waiting list，但不打緊吧，反正遲一點回來也當渡假吧。

Blogged with Flock

．集結號．　　　　　　．．．就是剩下一人，也給我打下去．．．

2008-02-26T23:14:00.001-08:00

"不惜一切，堅守陣地，無論何時，以集結號為記，準備隨時撤離。"
"那你聽好，沒聽到集結號之前，就是剩下一人，也給我打下去。"
" 是！"

生日當天的中一個活動（對，現在才出ｐｏｓｔ），係睇戲，o係深圳睇左"集結號"，原本沒有太大的期待。只是近來看多了內地電影／電視劇，題材無可否認未必太豐富，但質素已經提升了很多很多，而今次著眼點是近年香港絕少上映的國共內戰大型戰爭片，以及這一套是"馮小剛"作品，（對．海報也是這樣子寫著），替這電影打入了一枝強心針。

這套電影香港也上畫了，但我卻選擇在深圳看，原因有三:

一來．有向日葵陪我一齊；
二來．心．就是感覺不一樣，在國內好像感受多一點；
三來．我感覺香港有機會因片長問題而作出不少修正，但我相信內地不會。

以前有睇過馮小剛的作品，但都不及這一套片，真的無話可說。

以前看電影，為免邊看邊估所以必先看故事大綱才入場

．但近來這習慣改掉了，所以在入場前基本上不知道內容，心想若果已經知道故事的話可能趣味大減。

原來無知的我，一路無Question整套戲的推進和故事前因後果，最後，發覺竟然完全跟住導演的故事走，到最後故事結尾時，我先醒覺到主角的目的．．．我的想法，明顯地我的想法太膚淺很多。

意料之外
入場之前，只知這套是戰爭片，以前多多少少也有看過外國戰爭片，如鋼琴戰曲﹑一個快樂的傳說﹑Save private Ryan(唔記得個中文戲名)到黑鷹15小時(BlackHawkDown)，或者國內的電視戰爭劇集，但這一套集結號的評語是．．．．精彩。　更覺得是馮導演的代表作。

我不想將故事的內容寫出來，因我不想別人故到故事的內容致令興趣減低，所以內文部份較為斷續。

故事分前後兩個部份，分別描寫國共內戰的時期中後時代；
序：
故事開首，一三九師團中其中一連的一個攻城行動。一個被伏擊的攻城，導致傷亡慘重。手足在自己面前被殺，一時意氣而下殺令的谷子地，落得責罰收場，但回軍中未夠廿四小時，已經接到阻擊命令要再出發。

和文化專員的對話，"頭皮上面飛子彈．手榴彈在褲檔跑"那有怕得這麼多。

在火爐邊，團師長和谷子地(連長)兩個人對答，輕鬆惹笑，而軍令，翏翏數字．便定下了一團四十八人的命運。谷子地明知人手不夠，唯軍令如

山仍然面對，當中更不忘為下手著想，因為他知道這些少少的?勵可能是生命中的最後禮物。

"重覆一次軍令來聽聽。"
"不惜一切，堅守陣地，無論何時，以集結號為記，準備隨時撤離。"
"那你聽好，沒聽到集結號之前，就是打剩下一個人，也給我打下去。"

這句對白，重複出現了不止一次，每次出現的對白，卻一次比一次沉重，當時這段輕鬆的對答，原來背後的意義是這樣深遠。

前半的故事便由此正式展開：

四十八人阻擊上千人的軍力。

戰爭的部份，不想多提，只是想用"慘況"來形容，我建議自己親身去看才感受到。不覺得是電影，而是真的的電影記錄。文化教員是甚麼東西? 為什麼每個連內也要有一個這樣的小角色，原來．比我想像中重要‥‥家書．很輕；但記錄的事情，卻相當沉重。

生命的價值，可以很重，但有時郤輕得很；以一條生命換取一只手表，值得嗎？我們想來很愚蠢；但原來，是值得一搏的。

火拼期間，有傷兵聽到集結號，但不是每個人也聽到，導致出現意見分歧，而集結號的這個疑問，更影响了每個人的一生。因谷子地受傷故亦未聽到，但顧及胡亂撤軍的話，對整個軍區的戰況影響深遠，所以未下達全員撤軍命令，只讓聽到集合號的同僚離開。

沒有賣弄任何特技，當年的戰爭，在眼前重現一樣，沒有看到誇張的爆破場面，但看到當中拍輯的到的是戰場上的汗．淚．真的最後才是血，但卻很感動。

後半段
是大戰之後，因為意外被俘而被迫退下戰線的谷子地，以另一個身份在戰場上出現，開展了生活的新頁。到了每個地方，他也沒因身份被扁而氣餒，仍然盡力當兵，以撿回來的身份，無論身份﹑官階或兵種，再重新走在戰埸上，更借此打探前一三九師團隊員的消息。

"士兵甲失踪，二百斤；士兵乙，烈士，7 百斤．．．士兵丙失踪，二百斤"
"我的哥哥，他走了好幾年啦一點音訊也沒有，我也相信是不會回來了，但軍中只是紀錄為失踪，不是賠多少的問題，是不抵嘛，人死了才二百斤．．．　你說句公道說話吧！"

巧遇王金存的愛人，將谷子地多年來在各個戰區中四出奔走的目的浮現出來．．．原來，谷子地從來未變過，他一直想找人證明他身份，－三九師團"連長"的身份。

（看到這裡，自己想着又是一個沒有家的人，寧死在戰埸的故事。）

到多年之後，皇天不負有心人，終於找到了師團的故人並相見重逢，之後終於知道了集結號的真相，其中更加。真相原來比謎團更殘酷。

知道真相之後，感覺谷子地徹底地改變了，不理同僚而私自行動，盲目地挖掘尋找同伴的屍體，與黨的方針多翻爭執和衝突，令事情更加增添了陰影，直到故事的結束。

故事的結局，不想提，希望讀者自己去看，而最後，觀眾們都會聽到集結號的吹起，這是戲內最後一次聽到這首號角，而這一次，肯定是最深刻的一次。

這套電影仍未出ｄｖｄ，相信都唔會走雞。

後話
我不是一個偉人，不有會有這樣的犧牲，更不用說其他，以半生的時間去印證一件事，好感動，但不是我．
從以往捱更抵夜到現在的死頂，其實自己生活上都未有太大改變。工作．勞碌了接近十年了，可以說是忙碌，更可以ｄｅｆｉｎｅ為勞碌；這樣忙．為了甚麼，不知道，未有理想，未有抱負，若再如此下去。相信只會淪成為洪流中的一粒塵。若再不改變，相信．．．．．．　我，再不是我。

Blogged with Flock

開心果走了．但我們永遠懷念妳﹗

2008-02-19T19:24:00.001-08:00

昨天，肥姐終於都離開了。

對生平事蹟，自問自己記憶力不好，不能憶述太多。

但對這一個這麼”經典”的藝人離開，真的十分難過，可以話由細到大，都係電視上面見到佢o既身影，真係覺得佢係陪住自己長大。
演員，佢做得好好；
講到做司儀，談笑風生之間便帶動全場氣氛；
講到為慈善，亦更出錢出力
以藝人當中，無人可以ｒｅｐｌａｃｅ到佢呢個位置。
係呢度，只希望可以盡最後一點綿力

送上一點祝福

希望妳好好上路

妳的笑聲，會永遠藏係的我們的心中

妳的身影，會鉻印在我們的腦海中，不會忘記

同時亦都希望好的家人／身邊的好友，可以早點從打擊中恢復過來。

肥姐，我們永遠懷念妳﹗

這一首歌，我很喜歡，因為便是人走了﹐也不想為其他人帶來傷感。　

我相信，妳也是一樣的．借此，憑歌寄意。

活著多好
唱：陳奕信
曲：胡波
詞：黃偉文
編：孫偉明

當我還在　花園散步
當我還在　浴室洗澡
十步以內　可擁抱

＊遇著什麼　煩惱
想跟我說　都可聽到
翻到有趣　圖畫
何妨大笑　讓妙事亦被我看到＊

＃遊玩時　開心一點　不必掛念我
來好好給我活著　就似最初
仍然在呼吸都應該　要慶賀
如果想哭　可試試對嘉賓滿座
說個笑話　紀念我＃

到處還是　香水氣味
到處還是　塗鴉筆記
就像我未　拋低你

REPEAT＊＃＃

Blogged with Flock

情人節快樂！！！

2008-02-13T20:14:00.001-08:00

情人節快樂！！！

今日情人節，祝大家有過一個快快樂樂的情人節。

未有情人的，和好朋友渡過一個温馨愉快的晚上﹗

有情人終有眷屬，兩人温温馨馨咁渡過﹗

Blogged with Flock

妳的短訊．

2008-02-13T19:55:00.001-08:00

大清早收到妳的短訊，暖意驅散了寒流。

就是沒有妳在身邊的時候，我也可感到温暖。

謝謝妳。

Blogged with Flock

鼠年，好開始！！

2008-02-12T09:43:00.001-08:00

今個新年都幾心，全家拜年定食之外；向日葵又平安返到深圳過年；探望了一個新朋友；排期比想像中密麻麻，當中初三同初四仲傻咗，兩日每日差唔多瞓咗十四五個鐘，重要唔夠瞓想再接再厲o個隻；公司春茗抽獎，竟然中咗個大奬添﹗

年初二時，今年開年飯，亨利媽好醒咁又整咗個盆菜加燒味拼盤，即時慳唔少煮食時間黎打麻雀　:P

到咗年初五開工，返公司逗利是之餘，抽獎竟然抽中咗個大奬，諗唔到．．．　係一盒燕窩，勁呀！！　除咗上繳中央之外，仲諗緊點樣處理會好o的．．　傷腦筋。

唔記得咗，係一盒血燕，咁大個仔都未見過咁大盒血燕係手，有o的手震o既感覺。

Blogged with Flock

到步了

2008-02-12T08:04:00.001-08:00

歡迎向日葵的回歸！！！

照片仍沒有取到手，但看到相片中的開心面容，相信這個假期冷了一點也值得吧，對嗎？其實也沒胖了甚麼，可能我不夠細心吧　:P

可惡的我竟然傻左一樣，全日用了超過三份二時間來睡覺，浪費了見面的時間，真是浪費。下星期不會的了。

期待中．．．．．　

Blogged with Flock

歡迎回歸

2008-02-08T09:38:00.001-08:00

向日葵，

妳現在仍在火車上，一直到早上才到站吧．
兩個多星期沒見妳了，是不是又重磅了一點呢，明天見吧。
歡迎妳回來。

常春藤．

Blogged with Flock

恭喜發財！！！！　新春大吉，鼠年行好運！！！

2008-02-05T20:26:00.001-08:00

鼠年就到，先同大家拜個早年。

祝大家今年事事順景，身體健康，龍馬精神，萬事如意，鼠年旺相，招財進寶，花開富貴，生意興隆，學業猛進，如意吉祥，年生貴子，年年有餘，一本萬利，身壯力健，青春常駐，出入平安，和氣生財，潛途無限，心想事成，步步高升，財色兼收，狗馬亨通，六合常中．．．．下刪一百字．．．．．．　

差Ｄ漏咗最緊要o個句:　
恭喜發財！！新春大吉！！鼠年行好運！！！！

Blogged with Flock

恭喜發財！！！！　新春大吉，鼠年行好運！！！

2008-02-05T20:25:00.003-08:00

Blogged with Flock

恭喜發財！！！！　新春大吉，鼠年行好運！！！

2008-02-05T20:25:00.001-08:00

Blogged with Flock

冷笑話：哀悼功能．未啟動．

2008-02-04T21:57:00.001-08:00

Ｐ：　我地聽日有無功能呀?

Ｓ：　功能，無呀，都無人攪。

Ｐ：　阿Ｘ?　我地聽日有無功能呀?

Ｘ：　仲功能，恭你個頭呀，呢個係哀悼添啦，仲問有無功能．哀悼功能呀．．．
（揮袖而去）

Ｓ：　咁咪攪唔成？

Ｐ：　咁又係, 不嬲都係有佢支援先得o架嘛。

Ｓ：　咁不如問下當事人聽日得唔得閒, 我地自己攪囉.

Ｐ：　都好吖.

Ｓ：　好，等我去問吓其他人先．．．．．．．

證實唔係個個人都肯攪功能，功能．查實係function，farewell function；好明顯我係問錯攪功能的人，因以上三人其中之一要好大機會要接手別人的工作，所以．．．．

衰多口　：Ｐ

Blogged with Flock

～　車票　～

2008-02-04T10:50:00.001-08:00

向日葵：

知道妳終於買到了車票．．　年初二起程回深圳，真開心，如無意外，初三上午到步吧。
這兩天放假在即所以超忙，未有時間兼顧其他事情，但這兩天我一定會抽時間上深圳準備了，差不多兩星期沒上過深圳，在未過年之前，我會先上深圳清潔一下地方的，沒理由妳剛回來便要清潔吧。

:P

希望妳回來時，不會嚇妳一跳吧，嘻嘻。

．常春藤．

Blogged with Flock

冰天雪地的温暖

2008-02-02T19:31:00.001-08:00

漫天雪景．．．；

在屋外一枝一米長的冰條；

放在床頭一晚，便會凝結成冰的水(還是一杯冰?)；

比上次見面時長大了很多的小妖精；

被風雪冷凍了的向日葵；

足滿兩枱人數的團年飯，熱熱鬧鬧的親友聚餐；

多年來鮮有回家渡歲。今年，有老有嫩，樂聚天倫；

不知何時相片可以回到手中，分享這一份喜悅。　

Blogged with Flock

小心身體．這個冬天不太冷

2008-01-31T05:12:00.001-08:00

新年將至，上月的天氣未凍，還怕今年又說"這個冬天不太冷"，這兩星期，天氣又太凍了，冷帽，羽絨，冷衫，暖爐通通出齊。

呢幾日連口罩都出埋，以免鼻敏感又返黎探我；一係唔到，一到親流鼻水就一定有其他bonus，所以都好小心。

大家都要小心身體，千祈唔好凍親呀。

照顧自己之餘，都照顧一下邊o既人，唔好忘記咗佢地。

Blogged with Flock

謝安琪 - 鍾無艷

2008-01-28T22:01:00.001-08:00

謝安琪 - 鍾無艷

主唱：謝安琪
作曲：Christopher Chak
填詞：林夕
編曲：陳珀
監製：梁榮駿

歌詞

其實我怕你總誇獎高估我堅忍
其實更怕你只懂得欣賞我品行
無人及我用字絕重拾了你信心
無人問我可甘心演這偉大化身
其實我想間中崩潰脆弱如戀人
誰在你兩臂中低得不需要身份

＊無奈被你識穿這個念頭　得到好處的你
明示不想失去絕世好友

沒有得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水
被你一貫的讚許　卻不配愛下去
在你悲傷一刻必須解慰找到我樂趣
我甘於當副車　也是快樂著唏噓
彼此這麼了解　難怪註定似兄妹一對

其實我怕你的好感基於我修養
其實最怕你的私心虧准我體諒
無人問我寂寞像投何處去養傷
原來是我的心境高到變為偶像
誰情願照耀著別人就如月亮
為奴婢為你備飯奉茶是殘忍真相

REPEAT＊

讓我決定我的快樂
那須得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水
被你一貫的讚許　無須裝說下去
在你悲傷一刻必須解慰找到我樂趣
我甘於當副車　卻沒法撞入堡壘
彼此這麼了解　難怪註定似兄妹一對

你的她怎允許　結伴觀賞雪的淚
永不開封的汽水　讓我抱在懷內吻下去

Blogged with Flock

日式素食 - 青亭素食料理

2008-01-28T10:08:00.001-08:00

好正o既素食料理

早兩日同siuwingwing去咗食飯，帶咗我去佐敦道一間日式素食料理到開餐。原定七點幾鐘走人，但最後到成八點幾先走到。講多次唔好意思。

會合之後出發到佐敦，佐敦站行十五分鐘到步。叫做 "青亭素食料理"。

呢間舗細細地，只有六~七張四人枱，到步時差不多打烊，但老闆都無話唔做生意，又無摧促我地，真係好人。

兩個人唔敢點太多。開餐嘞!!!

日式壽司拼盤 - 卷物係較好。

日式义燒飯(小wingwing推介, 果然好正值得再試)

日式煎餃子

茄子座頭煮 - 少辣，不過唔太油，好味道

價錢都係120~130 左右 (已經唔記得左)，本地素食來講都覺得幾抵食，味道仲唔差添。多謝哂小wingwing，下個齋期，又多個地方帶亨利媽去lu~ 正。

Blogged with Flock

向日葵安全到步

2008-01-26T22:24:00.001-08:00

妳好嘛向日葵﹐

剛收到妳報平安的短信，知道好已安全到步了，那我也不用担心了，因大風雪至使火車在路上停駛了十多小時，兩個姊弟被困在火車上，還要零晨兩點鐘回到家中，我還以為妳們會在沙市住一晚，第二天才上路呢。現在一定累透了吧。

向販村的雪景，一定是很美的了。妳也多年沒看到過雪呢，這幾天，好好享受了。

Blogged with Flock

日期，待定。

2008-01-25T04:09:00.001-08:00

向日葵的心情又再開始開心了。幸好。

今天向日葵便要回鄉了。這些天已經少見，現在更難吧。　

其實很想妳她留到過新年才回來，畢竟妳很少回家過年。而心裡面的另一頭卻想和妳過新年。

事實上仍不知可否買到春節後的回程車票，若買不到的話便買春節前的車票回來．．　

矛盾，想妳早Ｄ返，但又有想好陪家人一齊過新年。

可能悶一點，但只是幾天，相信向日葵捱得到的呢。

回來日期，未定。

Blogged with Flock

大踏步

2008-01-19T23:14:00.001-08:00

終於和兩老說了出來，心輕鬆了很多，現時只是再行下一步，但全部家人也知道之後，相信她的壓力減少了許多。

可能你覺得自己沒有幫助到我，但這段時間只有1~2個親近的人知道這件事，而只有在妳面前才可以講出自己矛盾。

妳已分擔了我許多的東西了，而這段日子見面的時間都有不少影響，但仍然得到妳的諒解。謝謝妳。

沒有妳的支持，我走不了這麼遠。

Blogged with Flock

開門見山

2008-01-19T23:01:00.001-08:00

終於決定了今天把整個第三者的故事的始末告知家人，考慮了很久很久如何說出口，顧慮到兩老的身體承受不了刺激，連自己都差不多鑽牛角尖了，事前將半件事講了出來消化，我妹妹也有信心沒大礙，只是我過份担心。想想也是的，我平時的想法也頗極端的。一定無問題。

考慮了很多不同的做法，之後選擇了自己代人出頭，由我個第三者講出另一個第三者的故事，不知好不好，但希望用多些時間消化事情才見面，可以減輕刺激吧。

但千萬不要回到五月的日子，我可再受不了。

終於，少見地可以平心靜氣地將事情始末全部交代了出來，當然避重就輕和加入適量糖衣是必需的，以減少不必要的刺激。

幸好，兩老果然是明白事理，接受了這個事實(慶幸無怪責我隱瞞事實咁耐 :p )，有時過份關心就有壓力，所以兩老果然開通，這麼快便接受到故事的發展。

我終於放下了心頭大頭。而之後的善後工作，便不需要顧慮太多了。

Blogged with Flock

尋找記事

2008-01-15T19:54:00.001-08:00

不好意思啊，一大清早舉住隻手指通屋揾，其實唔係我隻手指有咩事，只係出門時發覺手指上少左個圈，唔係記得將個小玩意放左o係邊啫?，所以一揾返就走人！
嘻嘻．．　

Blogged with Flock

回來了

2008-01-15T19:51:00.001-08:00

回來了

３６小時前，亨利把任性兩字放進了頭上，開開心心去玩了，YEAH！！

雖然無去旅行咁開心，但係心裡面已經去了兩個不同的世界－遊，今年真係好開心！

今早九點到了公司，現在，依依不捨咁返回現實中．．．

不捨得這３６小時．唔知可唔可以延少少到今晚十二點呢？哈哈
（未開工就開始發夢！）

(此post於九時寫好。)

Blogged with Flock

是日．生日．休息。 (15-Jan)

2008-01-15T19:44:00.001-08:00

是日生日，休息。

偷閒去了。

往向日葵方向出發．．．．

Blogged with Flock

是日晚餐 Mixed set dinner

2008-01-11T11:11:00.001-08:00

是日晚餐，MIXED 一個有趣的組合。

亦遇到驚喜。

一間餐廳．一個門口．兩張枱．兩張單．

兩個水手 / 兩隻旱鴨子 / 兩對情侣 / 兩個行山發燒友

三個同學 / 三個蛙人 / 三個blogger

最奇怪的是開飯的話題，竟然是講羽絨，因為今日減價有人只係三千元買左八件羽絨。哈﹗

七個人咁複雜o既關係．．．．　開始食前都未諗到，但係咁樣數一數的話，自己覺得好好笑。

：）

聽日都去睇下入唔入到平價羽絨先。

Blogged with Flock

此刻心情

2008-01-09T03:13:00.001-08:00

謝謝妳。

Blogged with Flock

向日葵的温室

馬不停蹄

三十日倒數.嘩嘩嘩打到嚟啦!!!

無無聊聊, 藍光咸檸七

復活節 馬來西亞之旅, 向Tenggol島進發 - 4 (最後一篇)

短袖背心

SPCA 灣仔海濱長廊狗狗白色聖誕

０８回望／０９展望

工作過量卻不過勞的六個方法

工作過量卻不過勞的六個方法

下海上山之旅．十月五日．回程．

下海上山之旅．九月廿七日．起行．

八號風球下街景. 無聊

三棧燈

安徒生會童話夢工場．我竟然係菠蘿油王子．．．．

奧比斯義賣月餅

風雨不改 盲俠行

張敬軒 - 櫻花樹下

張敬軒 - 櫻花樹下

盜墓迷城３

扭汽球班．新出品

傷健同樂嘉年華2008

排毒美顏寶

出潛，又係橋咀．點知．．．． 中咗招．

Ｌａｓｔ ｓｔｏｐ ． 瑞士

Untitled

新加坡 公幹之行二(完)

ＬｅＭａｎｓ 白色驚嚇

Ｌｉｓｂｏｎ走貓記．．．

母親節，決戰長腳蟹．

新加坡 公幹之行－

．服務後感．四川７．８級地震賑災籌款．

．服務後感．努力的一天．緬甸風災街頭募捐籌款．

癈墟中的兒歌： 兩隻老虎

．三十年後，再次震醒了全中國人民．

咁橋呀？

尖機上市 SHARP SX862 (SoftBank920SH)

扭波波中班 class V / IV

屯門三聖邨海鮮晚宴

向日葵相機下的向日葵

支持奧運聖火傳送.... 紅色貼紙

義工活動〔安徒生會【悅讀花園】嘉年華會〕+ 豪華包場ＢＢＱ

扭波波中班 class III

支持！！少吃肉，幫地球降温．

笑爆： 現貨供應 金象牌泰國香米 5 公斤

再來一客 ａｍｅｒｉｃａｎ ｓｔｙｌｅ

中國警務幕牆，好新鮮！

凌晨五時二十分：天還未光，只是巧合．

SD高達模型展

呢舊係．．．．．．

在網絡上看到的冷笑話

兩日洗費

漏水

咩事啊．

叉電！

技術故障．．．． 維修中．．．

扭波波中班 class II

I can't breath !!!

德國行

開始處理中，請稍後．．．．

怪天氣

唔只係硬頸咁小兒科．

出發的前兩天

．集結號． ．．．就是剩下一人，也給我打下去．．．

開心果走了．但我們永遠懷念妳﹗

情人節快樂！！！

妳的短訊．

鼠年，好開始！！

到步了

歡迎回歸

恭喜發財！！！！ 新春大吉，鼠年行好運！！！

恭喜發財！！！！ 新春大吉，鼠年行好運！！！

恭喜發財！！！！ 新春大吉，鼠年行好運！！！

冷笑話：哀悼功能．未啟動．

～ 車票 ～

冰天雪地的温暖

小心身體．這個冬天不太冷

謝安琪 - 鍾無艷

日式素食 - 青亭素食料理

向日葵安全到步

復活節馬來西亞之旅, 向Tenggol島進發 - 4 (最後一篇)

風雨不改盲俠行

出潛，又係橋咀．點知．．．．　中咗招．

Ｌａｓｔ　ｓｔｏｐ　．　瑞士

新加坡　公幹之行二(完)

ＬｅＭａｎｓ　白色驚嚇

新加坡　公幹之行－

癈墟中的兒歌：　兩隻老虎

笑爆：　現貨供應　金象牌泰國香米 5 公斤

再來一客　ａｍｅｒｉｃａｎ　ｓｔｙｌｅ

技術故障．．．．　　維修中．．．

．集結號．　　　　　　．．．就是剩下一人，也給我打下去．．．

恭喜發財！！！！　新春大吉，鼠年行好運！！！

恭喜發財！！！！　新春大吉，鼠年行好運！！！

恭喜發財！！！！　新春大吉，鼠年行好運！！！

～　車票　～